Göygöldə faciə: 60 yaşlı kişi oğlunun əməlindən utanıb intihar etdi


10:14     27 Fevral 2020 20_02_27_1582784247.jpg

Göygöl rayonunda 60 yaşlı kişi oğlunun əməlinə görə intihar edib.

Qafqazinfo-nun məlumatına görə, rayonun Yeni Zod kənd sakini, 1960-cı il təvəllüdlü Məmmədov Tofiq İmran oğlu yaşadığı evdə zərərli həşəratlara qarşı çoxlu sayda dərman içib.

Kənd sakinlərinin verdiyi məlumata görə, T.Məmmədov oğlunun oğurluq etməsindən utandığı üçün bu yola əl atıb. Belə ki, fevralın 11-də onun 28 yaşlı oğlu Elvin Məmmədov bir neçə tanışı ilə birlikdə qonşularının evinə gizli girərək, 2000 manat dəyərində su mühərrikini və 650 manat dəyərində qaynaq aparatını oğurlayıblar.


Oğurluğu törədən şəxslər tutulub, Tofiq Məmmədovun oğlu da saxlanılanlardan biri olub.

Bundan sonra kənd sakinləri arasında bu məsələ ətrafında müzakirələr aparılıb. İlkin məlumata görə, 60 yaşlı T.Məmmədov oğlunun bu əməlini özünə sığışdırmadığı üçün intihar edib.

Faktla bağlı araşdırma aparılır.






Açar sözlər:

Oxunub: 537