Məhkəmə orqanlarında çalışmaq istəyənlərin nəzərinə - ELAN
14:50 07 Aprel 2015
Azərbaycanda vakant dövlət qulluğu vəzifələrinin tutulması üçün yeni ümumi müsahibə elan edilir.
Azərbaycan Respublikasının Prezidenti yanında Dövlət Qulluğu Məsələləri üzrə Komissiyasından Femida.az-a verilən məlumata görə, Komissiya 2015-ci il apreli 7-dən 6 dövlət orqanında inzibati vəzifələrin beşinci-yeddinci təsnifatlarına uyğun olan 19 vakant dövlət qulluğu vəzifəsinin tutulması üçün ümumi müsahibə (mərkəzi icra hakimiyyəti və məhkəmə orqanları üzrə) elan edir.
Ümumi müsahibəyə çıxarılan vakant dövlət qulluğu vəzifələrindən 14-ü mərkəzi icra hakimiyyəti orqanlarının aparatlarında və yerli təşkilatlarında, 5-i isə məhkəmə orqanlarındadır.
Ümumi müsahibədə aşağıdakı şəxslər iştirak edə bilərlər:
- vakant vəzifəni təqdim etmiş dövlət orqanında çalışan dövlət qulluqçuları (inzibati vəzifələrə uyğun ixtisas dərəcəsi olduqda),
- digər dövlət orqanlarında inzibati vəzifələrdə çalışan dövlət qulluqçuları (inzibati vəzifələrə uyğun ixtisas dərəcəsi olduqda),
- azı 5 il dövlət qulluğunda inzibati vəzifələrdə çalışmış şəxslər.
Ümumi müsahibədə iştirak etmək üçün sənədlərin qəbulu aprelin 7-dən 27-ə kimi saat 18:00-dək Azərbaycan Respublikasının Prezidenti yanında Dövlət Qulluğu Məsələləri üzrə Komissiya tərəfindən aparılacaq. Sənədlər şəxsən, yaxud poçt vasitəsilə təqdim edilə bilər.
Ümumi müsahibəyə dair ətraflı məlumat “Respublika” qəzetinin aprelin 7-də dərc edilib və həmin gündən etibarən Azərbaycan Respublikasının Prezidenti yanında Dövlət Qulluğu Məsələləri üzrə Komissiyasının rəsmi internet saytında - www.dqmk.az verilib.
Femida.az
Oxunub: 990
Oxşar xəbərlər
- Məhkəmə xalq artistlərinin iddiasını təmin etmədi
- Məhkəmə həbsdə olan şəxsin cəzasını artırıb
- Məhkəmə Elgiz Qəhrəmanın cəzasını azaldıb
- Məhkəmədə şok - Hökm oxunan general zəhər içdi (VİDEO)
- Məhkəmənin axtarışa verdiyi qadın tutuldu
- Məhkəmədə hakimin halı pisləşdi
- Məhkəmə keçmiş MTN polkovnikinin cəzasını azaldıb
- Məhkəmədə ekspertlər ifadə verdi - Fikrət Qocanın oğlunun qətli ilə bağlı
- Məhkəmədə gərginlik: Dustağın ürəyi getdi
- Məhkəmə Əfqan Muxtarlının vəsatətini təmin etməyib