Hüseyn Abdullayev və anası Ali Məhkəməyə kassasiya şikayəti verib
11:45 29 Fevral 2020
Həbsdə olan sabiq deputat Hüseyn Abdullayev, anası Zeynəb Abdullayeva və digərləri barələrində olan hökmdən kassasiya şikayəti verib.
Femida.az-ın məlumatına görə, şikayət Ali Məhkəmədə hakim İlqar Qılıcovun icraatına verilib. İşə yaxın günlərdə məhkəmə baxışına təyin ediləcək.
Qeyd edək ki, ayrı-ayrı vətəndaşların Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə daxil olmuş müraciətləri əsasında 14 fevral 2018-ci il tarixdə başlanmış cinayət işi üzrə H. Abdullayevin 2006-cı ildən 2018-ci ilədək olan müddət ərzində faktiki nəzarət etdiyi “Araz-İnşaat” ASC-də onun tapşırığına əsasən, müəssisənin idarə olunmasını həyata keçirən Babayev Namiq İsmixan oğlu və qeyriləri ilə qabaqcadan əlbir olan bir qrup şəxs halında Cəmiyyətə məxsus obyektləri müxtəlif vaxtlarda ayrı-ayrı şirkətlərə icarəyə verərək, ümumilikdə, 1 milyon 374 min manat məbləğində gəlirlərin Cəmiyyətin kommunal xidmət və sair xərclərinin ödənilməsinə sərf olunmasına dair digər səhmdarlara yalan məlumat verməklə 13 min 373 manat məbləğində dividentləri vahid qəsdlə ələ keçirib zərərçəkmiş şəxslərə xeyli miqdarda maddi ziyan vurmaqla dələduzluq edib. Təqsirləndirilən şəxslərdən bəziləri Dövlət Sərhəd Xidmətinin əməkdaşlarıdır. Bu səbəbdən cinayət işi Bakı Hərbi Məhkəməsinə göndərilib.
İş üzrə zərərçəkmiş şəxs qismində 28 nəfər tanınır.
Bakı Hərbi Məhkəməsinin hökmü ilə Hüseyn Abdullayev 6 il, Namiq Babayev 4 il, Nazim Əliyev 3 il azadlıqdan məhrum ediliblər. Zeynəb Abdullayeva 4 min manat cərimə olunub, digər təqsirləndirilən şəxslərə isə şərti cəza verilib.
Bakı Apelyasiya Məhkəməsində təqsirləndirilən şəxslərin şikayəti təmin olunmayıb.
Femida.az
Oxunub: 900
Oxşar xəbərlər
- Hüseynbala Mirələmov kafedra müdiri vəzifəsindən azad edildi
- Hüseynbala Mirələmovun da nəticələri tanınmadı
- Hüseyn Abdullayev və anasının apelyasiya şikayəti təmin edilməyib
- Hüseyn Abdullayevin məhkəməsində prokuror çıxış üçün vaxt istəyib
- Hüseyn Abdullayevin anası məhkəmədən vaxt istəyib
- Hüseyn Abdullayevin məhkəməsi davam edib
- Hüseyn Abdullayev məhkəmədən bəraət istədi
- Hüseyn Abdullayevin şikayətinə baxılacaq
- Hüseyn Cavidin doğum günüdür
- Hüseynin kortejlə avtoşluğuna görə həbslər başladı +VİDEO