Şəkidə ağır qəza: Ölən və yaralananlar var
14:08 30 Noyabr 2015
Şəkidə ölümlə nəticələnən yol-nəqliyyat hadisəsi baş verib.
APA-nın Şəki-Zaqatala bürosunun məlumatına görə, bu gün səhər saatlarında Şəki sakiniləri 1964-cü il təvəllüdlü Ağaismayıl Şahismayıl oğlu Əliyevin idarə etdiyi “VAZ 2106” markalı, 55 BP 452 dövlət nömrə nişanlı avtomobillə 1965-ci il təvəllüdlü Eldar Yaqub oğlu Abdullayevin idarə etdiyi “QAZ-31” markalı, 10 HZ 149 dövlət nömrə nişanlı maşın toqquşub. Nəticədə “VAZ-2106” markalı maşının sürücüsü aldığı xəsarətdən hadisə yerində ölüb. Həmin avtomobildə olan sərnişinlər – sürücünün övladları, 1999-cu il təvəllüdlü Şahismayıl Əliyev, 1998-ci il təvəllüdlü Şahsinə Əliyeva, digər avtomobilin sürücüsü Eldar Abdullayev və onun sərnişini Elgün Nağı oğlu Həşimov aldıqları xəsarətlərlə xəstəxanaya yerləşdiriliblər.
Xəstəxanadan APA-ya verilən məlumata görə, Şahsinə Əliyeva və Elgün Həşimovun vəziyyətləri ağır olduğundan reanimasiya şöbəsinə yerləşdiriliblər. Digər yaralıların vəziyyəti isə orta-stabildir.
Faktla bağlı Şəki Şəhər-Rayon Polis Şöbəsində cinayət işi başlanıb, araşdırma aparılır.
Oxunub: 1010
Oxşar xəbərlər
- Şəkidə dağda yanğın başladı - Foto
- Şəkidə faciə: Quyuya düşən qadın yanıb öldü
- Şəkidə gənc qonşusu tərəfindən bıçaqlanıb
- Şəkidəki faciənin təfərrüatları - Rusiyadan qonaq gələn qadınlarla...
- Şəkidəki qəzada ölənlərdən 3-ü Rusiya vətəndaşıdır
- Şəkidə 3 yaşlı qız müəmmalı şəkildə öldü - VİDEO
- Şəkidə 57 yaşlı kişi intihar edib
- Şəkidə qanunsuz iki cüyür ovlayıblar
- Şəkidə 4 yaşlı uşaq müəmmalı şəkildə ölüb
- Şəkidə 7 otaqlı evdə yanğın olub