Xaricdə bağlanan nikahın hüquqi əsasının olub-olmadığı necə müəyyən edilir? - HÜQUQİ CAVAB
16:10 03 Mart 2020
Xaricdə bağlanan nikahın hüquqi əsasının olub-olmadığı necə müəyyən edilir?
Məsələ ilə bağlı Ədliyyə Nazirliyi Femida.az-ın sorğusuna aydınlıq gətirib. Nazirlikdən verilən açıqlamanı təqdim edirik:
1 - Xaricdə bağlanan nikahın əslində hüquqi əsasının olub olmadığını necə təyin etmək olar?
Azərbaycan Respublikası Ailə Məcəlləsinin 148-ci maddəsinə əsasən Azərbaycan Respublikasının hüdudlarından kənarda Azərbaycan Respublikasının vətəndaşları arasında, Azərbaycan Respublikasının vətəndaşları ilə əcnəbilər və ya vətəndaşlığı olmayan şəxslər arasında həmin xarici ölkənin qanunvericiliyinə əməl etməklə bağlanan nikah, həmin Məcəllənin 12-ci maddəsində nəzərdə tutulan hallar (nikahın bağlanmasına mane olan hallar) olmadıqda, Azərbaycan Respublikasında etibarlı hesab edilir.
Azərbaycan Respublikasından kənarda əcnəbilər arasında onların ölkəsinin qanunvericiliyinə əməl etməklə bağlanan nikah Azərbaycan Respublikasında tanınır.
2 - Bunun üçün hansısa məlumat bazası var?
Azərbaycan Respublikasının Ədliyyə Nazirliyinin informasiya sistemində ölkə ərazisində dövlət qeydiyyatına alınmış vətəndaşlıq vəziyyəti aktlarının qeydlərinə dair məlumatlar əks olunur.
Azərbaycan Respublikasının vətəndaşı xarici ölkənin səlahiyyətli qurumunda nikaha daxil olduqda isə o, həmin nikaha dair məlumatın Ədliyyə Nazirliyinin informasiya sistemində əks olunması üçün onu müəyyən olunmuş qaydada leqallaşdıraraq yaşayış yeri üzrə Ədliyyə Nazirliyinin rayon (şəhər) və ya “ASAN xidmət” mərkəzindəki qeydiyyat şöbəsinə təqdim edə bilər.
Amin Nəzərli
Femida.az
Oxunub: 3969
Oxşar xəbərlər
- Ədliyyə Nazirliyi Rasim Balayevin səlahiyyətlərini təsdiq edib
- Ədliyyə Nazirliyi aliment ala bilməyən vətəndaşlara çağırış edib
- Baş prokurora I dərəcəli dövlət ədliyyə müşaviri ali xüsusi rütbəsi verilib
- Nazir: “Ədliyyə işçiləri “YAŞAT” və Qarabağ Dirçəliş fondlarına 4,5 milyon manatdan çox ianələr edib”
- Naxçıvanın ədliyyə nazirinə ali xüsusi rütbə verilib
- Həbsxanaya poçt vasitəsilə narkotik keçirmək istədi
- Amnistiya Aktının ümumilikdə 17 min nəfərə şamil olunması gözlənilir
- Amnistiya Aktı indiyədək 101 nəfərə şamil olunub
- Fikrət Məmmədov türkiyəli həmkarı ilə görüşüb
- Ali Məhkəmə və Ədliyyə Nazirliyi birgə məlumat yayıb