Bakı polisi yolda bu hərəkətləri edən uşaqları axtarır - VİDEO
09:23 04 Mart 2020
Bakıda bir qrup gənc yolun ortasında idman edir. Onlar bu hərəkətləri ilə həm özlərinin, həm də digər hərəkət iştirakçıların həyatını təhlükəyə atırlar.
Femida.az Xəzər TV-yə istinadla xəbər verir ki, təhlükəli hərəkətlər edən bu şəxslərin kimliyi polis tərəfindən araşdırılır.
İki nəfər yolda idman hərəkətləri edir, bir nəfər isə onları telefonla çəkir.
Görüntülər Bakıda Yasamal rayonu, ''Sovetski'' kimi tanınan ərazidəki yolda çəkilib. İki yeniyetmə həyatlarını təhlükəyə ataraq hərəkətin intensiv olduğu yolda dartınma hərəkəti edirlər.
Onlar sürətlə gələn avtomobilllər yaxınlaşdıqda yolun hərəkət hissəsindən kənara çəkilirlər. Görüntüləri izləyən Bakı Şəhər Dövlət Yol Polis İdarəsinin bölmə rəisi Vaqif Əsədov deyir ki, yeniyetmələrin bu hərəkəti kobud qayda pozuntusudur.
Videonu çəkib ''Xəzər Xəbər''in "Whatsapp" nömrəsinə göndərən hadisə şahidi iddia edir ki, həmin şəxslər avtomobillər yoldan azalan kimi həmin təhlükəli hərəkətlərini təkrarlayıblar.
Vaqif Əsədov dedi ki, bu fakt polis tərəfindən ciddi şəkildə araşdırılacaq.
Bölmə rəisi onu da bildirdi ki, həmin uşaqlar aşkar edildikdən sonra onların valideynlərinə də belə faktların baş verməməsi üçün xəbərdarlıq ediləcək.
Oxunub: 537
Oxşar xəbərlər
- Bakıda yolların yenidən qurulmasına 4,23 milyon manat ayrılıb - SƏRƏNCAM
- Bakıda mənimsəmədə təqsirləndirilən qadının məhkəməsində şahid dindirilib
- Bakı metrosunda 4 azyaşlını dilənçiliyə sövq edən qadın saxlanılıb
- Bakıda avtomobil 39 yaşlı kişini vurub
- Bakıda özəl klinikada 46 yaşlı kişi əməliyyatdan sonra ölüb
- Bakıda gecə satlarında atışma: Güllələnən şəxs görün kimdir - VİDEO
- Bakı sakini küçədə əmisini qətlə yetirib
- Bakıda və bölgələrdə güclü külək əsəcək - XƏBƏRDARLIQ
- Bakıda avtomobil qadını vuraraq öldürüb
- Bakı hava limanında ƏMƏLİYYAT - Tutulanlar VAR