Bakı meriyasından piket AÇIQLAMASI
12:20 04 Mart 2020
Bakı Şəhər İcra Hakimiyyəti (BŞİH) Milli Məclisə növbədənkənar seçkilərdə qeydiyyatdan keçmiş bir qrup namizədin təşəbbüs qrupu adından Bəxtiyar Hacıyevin piket keçirməklə bağlı müraciətinə cavab verib.
Femida.az-ın məlumatına görə, cavabda bildirilib ki, namizədlərin təşəbbüs qrupunun martın 5-də saat 10:00-da Konstitusiya Məhkəməsinin qarşısında piket keçirməklə bağlı müraciəti “Sərbəst toplaşmaq azadlığı” haqqında qanunun 5-ci maddəsinin I və II hissələrinin tələblərinə cavab vermir:
"Mərkəzi Seçki Komissiyası tərəfindən Milli Məclisə seçkilərlə əlaqədar bəzi seçki məntəqələrində seçicilərin iradəsini müəyyənləşdirməsinə imkan verməyən və Seçki Məcəlləsinin tələblərinə zidd olan hallar araşdırılıb, həmin seçki məntəqələrinlə seçkilərin nəticələri ləğv edilib. Məsələ ilə bağlı toplantı keçirmək deyil, aidiyyəti üzrə müraciət etmək tövsiyə edilir. Qeyd olunanla əlaqədar planlaşdırılan piketin keçirilməsini məqsədəuyğun hesab etmirik".
Qeyd edək ki, Bəxtiyar Hacıyev 2 mart tarixində Bakı Şəhər İcra Hakimiyyətinə martın 5-də saat 10:00-da Konstitusiya Məhkəməsinin qarşısında piket keçirməklə bağlı müraciət edib.
Femida.az
Oxunub: 749
Oxşar xəbərlər
- BŞİH vətəndaşlara müraciət edib
- BŞİH binalarda dibçəklərin yerləşdirilməsi ilə bağlı sakinlərə çağırış etdi
- BŞİH: Paytaxtın yolları səhərə kimi qardan təmizlənib
- BŞİH rəsmisi: “Məsələ həqiqətən də çox ciddidir”
- BŞİH: Dezinfeksiya işləri üçün heç bir vəsait tələb edilə bilməz
- BŞİH qadınların yürüşünə icazə verdi
- BŞİH yaşayış komplekslərinin və MTK-ların rəhbərlərinə xəbərdarlıq edib
- BŞİH-də bağçalarla bağlı müşavirə keçirilib
- BŞİH Şah İsmayıl Xətainin heykəlinin yerinin dəyişdirilməsinə aydınlıq gətirib
- BŞİH mitinqlə bağlı müraciətə cavab verib