Deputat seçilən iki yüksək vəzifəli şəxs işdən çıxarıldı
16:43 06 Mart 2020
Konstitusiya Məhkəməsinin Milli Məclisə seçkilərin yekunlarını təsdiqləməsi ilə əlaqədar Suraxanı İcra Hakimiyyəti başçısının müavini Afət Həsənova işdən çıxıb.
Bu barədə Femida.az-a Suraxanı İcra Hakimiyyətindən məlumat verilib.
Sabunçu rayon İcra Hakimiyyətindən də bildirilib ki, Sabunçu rayon İcra Hakimiyyəti Aparatının İctimai siyasi və humanitar məsələlər şöbəsinin müdiri Əliabbas Salahzadə dünən işdən çıxmaq barədə ərizə verib və bu gündən işə çıxmır.
Qeyd edək ki, fevralın 9-da Milli Məclisə keçirilən növbədənkənar seçkilərdə A. Həsənova 32 saylı Suraxanı Üçüncü, Ə. Salahzadə 27 saylı Sabunçu İkinci Seçki Dairəsindən deputat seçiliblər.
Seçki Məcəlləsinin 173.3-cü maddəsinə əsasən, seçkilərin ümumi yekunları rəsmi dərc edildikdən sonra namizəd deputat statusu ilə bir araya sığmayan vəzifədən azad olunduqda və ya fəaliyyətinə xitam verdikdə Mərkəzi Seçki Komissiyası onu deputat kimi qeydə alır və ona deputat vəsiqəsi verir.
Femida.az
Oxunub: 732
Oxşar xəbərlər
- Deputatların maaşı artırılır
- Deputat nazirlərdən Əli Əsədova şikayət edib
- Deputatlar iri mühərrikli avtomobillərin aksiz vergisinin artırılmasına səs veriblər
- Deputat şəhidlərin bacı və qardaşlarına müavinət verilməsini təklif edib
- Deputat: "Tələbə hamilə qadınlardan COVID-19 pasportu tələb oluna bilməz"
- Deputatın polisi döyməsi ilə bağlı araşdırma aparılır- DİN
- Deputata yeni vəzifə verildi
- Deputatlarımız Şentop və Çavuşoğlu ilə görüşəcək
- Deputatlar bu gün toplaşır - 9 məsələ müzakirə ediləcək
- Deputat ağacəkmə kampaniyası təşkil etdi