Avtovağzalda hər gün 300-dən çox avtobus dezinfeksiya olunur - Foto
11:11 10 Mart 2020
Bakı Beynəlxalq Avtovağzal Kompleksində koronavirus (Covid-19) infeksiyasının yarada biləcəyi təhlükənin qarşısının alınması məqsədilə təxirəsalınmaz tədbirlər və dezinfeksiya prosesi avtobuslarda, eləcə də bütün avtovağzal ərazisində hər gün səhər və axşam saatlarında mərhələli şəkildə davam edir.
Kompleksdən Femida.az-a verilən məlumata görə, gün ərzində 300-dən çox avtobus dezinfeksiya olunaraq reysə buraxılır.
Son 10 gündə 2 min 628 reyslə 60 min 270 sərnişin avtovağzaldan yola salınıb.
175 reyslə 3 min 455 sərnişin beynəlxalq istiqamətlərdə (Gürcüstan, Rusiya, Türkiyə) gedişi təmin edilib.
Ən çox sərnişin 3 mart tarixində müşahidə olunub. Həmin gün 470 reyslə 13 minə yaxın sərnişin biletlə təmin olunub. Digər günlərdə isə sərnişin sayı gündəlik normaya uyğun olaraq 6-8 min arasında dəyişib.
Şəhərlərarası istiqamətlərdə Gəncə, Qırmızı Körpü, Mingəçevir və Şəki istiqamətinə, beynəlxalq reyslərdə isə Gürcüstan istiqamətinə gedən sərnişinlər üstünlük təşkil edib.
Mövcud vəziyyətlə əlaqədar olaraq (012) 406-01-58/59 nömrəli “Məlumat Mərkəzi” həftənin 7 günü 24 saat fəaliyyət göstərir.
Mövcud təhlükəsizlik tədbirlərini nəzərə alaraq sərnişinlərdən müntəzəm marşrut xətləri üzrə xidmətdə olan avtobuslarla səfər etmələri, avtovağzal ərazisindən çıxmayan nəqliyyat vasitələrindən istifadə etməmələri tövsiyyə olunur.
Femida.az
Oxunub: 710
Oxşar xəbərlər
- Bakı Beynəlxalq Avtovağzal Kompleksinə yeni mətbuat katibi təyin olunub
- Bakı avtovağzalında vaksinasiya məntəqəsi yaradılıb
- Avtovağzalın yaxınlığında yanğın başlayıb - VİDEO
- Sabah Bakı avtovağzalından 72 istiqamət üzrə avtobuslar yola düşəcək
- Ermənilər Tərtər avtovağzalını vurdu - Ölən var
- Avtovağzaldan rayonlara getmək istəyən 1715 sərnişin biletini geri qaytarıb
- Avtovağzalda dezinfeksiya işləri davam etdirilir
- Sərhəd avtovağzalında dezinfeksiya işləri aparılır
- Avtovağzalın qarşısından keçən magistral yol genişləndiriləcək
- Azərbaycanda 16 avtovağzal bağlanmaq təhlükəsi ilə üz-üzə qalıb