Ağdamda 6 otaqlı evdə yanğın baş verib


18:33     12 Mart 2020 yangin_38673636.jpg

Ağdamda 6 otaqlı evdə yanğın baş verib.


APA TV-nin məlumatına görə, hadisə rayonun Kiçikli kəndində qeydə alınıb.

Kənd sakini Elmin Paşayevin sözlərinə görə, evində baş verən yanğına səbəb mətbəxdəki soba olub: “Evdə yox idik, qazın üstünə yemək qoyublar yeməkdə daşıb tökülüb yerə. Döşəmə yanıb sora keçib tavana. Altı otaqlı evin 3 otağı bizim, 3 otağı əmimindir. Yanğın bizdən bu tərəfə keçmədi, biz tərəf tamam yandı. 3 dənə otaq təmiz sıradan çıxdı”.

Hadisə yerinə Fövqəladə Hallar Nazirliyinin iki maşını və işçi qüvvəsi cəlb olunub. Yanğınsöndürənlərin səyi nəticəsində evin tam yanmasının qarşısı alınıb.

Faktla bağlı araşdırma aparılır.




Açar sözlər:

Oxunub: 258