Cinayət məsuliyyəti yaradan hədd 2,5 dəfə artırılır – 20 MİN MANATDAN…
15:31 13 Aprel 2020
İqtisadi fəaliyyət sahəsində olan 18 cinayətə - qanunsuz sahibkarlıq, yalançı sahibkarlıq, qanunsuz kredit alma, kredit ödəməkdən yayınma, yalan reklam etmə, nəzarət markalarından qanunsuz istifadə, qanunsuz müflisləşmə, vergidən yayınma cinayətinə görə məsuliyyət yaradan hədd 2,5 dəfə artırılır.
Azvision.az xəbər verir ki, bu barədə Prezident İlham Əliyev tərəfindən cəza siyasətinin humanistləşdirilməsi və cinayətlərin dekriminallaşdırılması ilə bağlı Milli Məclisə təqdim edilən layihədə qeyd olunub.
Belə ki, xeyli miqdarın anlayışı dəyişməklə, yəni miqdarı 20 min manatdan 50 min manata artırılmaqla məsuliyyət yaradan hədd artırılır və 50 min manata qədər olan pozuntular İnzibati Xətalar Məcəlləsi ilə cəzalandırılır. Bu sahədə olan cinayətlərin sanksiyalarından biri daha yüngül cəza ilə əvəz edilir, bəzi hallarda daha yüngül sanksiyalar əlavə edilir.
Deputat Kamal Cəfərovun sözlərinə görə, hərbi xidmət əleyhinə cinayətlər bölməsində edilən dəyişikliklərin məqsədi orduda məhkumluqların sayının azaldılmasından ibarətdir.
"Bildiyiniz kimi məhkumluqdan irəli gələn hüquqi nəticələr hərbi qulluqçuların gələcək karyerasına mənfi təsir göstərə bilər. Bununla belə orduda ciddi nizam-intizamın təkmilləşdirilməsinin qorunub saxlanılması üçün Cinayət Məcəlləsində dekriminallaşdırılan əməllərə görə İnzibati Xətalar Məcəlləsində inzibati məsuliyyət müəyyən edilir", -deyə deputat dəyişikliyi şərh edib.
Femida.az
Oxunub: 721
Oxşar xəbərlər
- Cinayət törədərək gizlənən 28 nəfər ötən bir ildə ölkəyə ekstradisiya edilib
- Cinayət Məcəlləsinə mədəni soyqırımı təşkil edən əməllərin daxil edilməsi təklif olunub
- Cinayət törətməkdə şübhəli bilinən 31 nəfər saxlanılıb
- Cinayətdə şübhəli bilinən 34 nəfər saxlanılıb
- Cinayətdə şübhəli bilinən 36 nəfər saxlanılıb
- Cinayətdə şübhəli bilinən 32 nəfər saxlanılıb
- Cinayətdə şübhəli bilinən 66 nəfər saxlanılıb
- Cinayət törətməkdə şübhəli bilinən 48 nəfər saxlanılıb
- Cinayət törətməkdə şübhəli bilinən 39 nəfər saxlanılıb
- Cinayət törədən 39 nəfər saxlanılıb