Parlamentin komitə iclasları videokonfrans sistemi ilə keçiriləcək
13:15 17 Aprel 2020
"Azərbaycan Respublikası Milli Məclisinin komitələri haqqında" dəyişiklik layihəsi III oxunuşda yeni redaksiyada Milli Məclisin bu gün keçirilən plenar iclasında müzakirəyə çıxarılıb.
Femida.az-ın xəbərinə görə, sənədə əsasən, karantin rejiminin tətbiq edilməsi, sanitariya-epidemioloji və bu kimi digər tədbirlərlə əlaqədar Milli Məclisin 42 deputatının müraciəti əsasında Milli Məclisin Sədri komitələrin iclaslarının müəyyən dövr üçün videokonfrans sistemi vasitəsilə keçirilməsi barədə sərəncam qəbul edəcək və videokonfrans sistemi vasitəsilə keçirilən komitə iclaslarında qeydiyyat və səsvermə deputatların gücləndirilmiş elektron imzaları vasitəsilə həyata keçiriləcək.
Xatırladaq ki, I oxunuşda qəbul edilən qanun layihəsinə əsasən, karantin tətbiq edilməsi, sanitariya-epidemioloji və bu kimi digər tədbirlərlə əlaqədar Milli Məclis Sədri 42 deputatın tələbi əsasında Milli Məclisin komitə iclaslarının müəyyən dövr üçün real vaxt rejimində internet vasitəsilə keçirilməsi barədə sərəncam qəbul edəcək və real vaxt rejimində keçirilən iclaslarda səsvermə deputatların gücləndirilmiş elektron imzaları vasitəsilə həyata keçiriləcəkdi.
Qanun layihəsi bu il dekabrın 30-dək qüvvədə olacaq.
Sənəd səsverməyə çıxarılaraq III oxunuşda qəbul edilib.
Femida.az
Oxunub: 657
Oxşar xəbərlər
- Milli Məclis şəhidlər və ailələri ilə bağlı bu sənədi qəbul etdi
- Milli Məclis Ombudsmanın məruzəsini qəbul etdi
- Sabah Milli Məclisin iclası keçiriləcək
- Ombudsman Milli Məclisdə hesabat verəcək
- Milli Məclisin apreldə ilk iclasının gündəliyi - SİYAHI
- Milli Məclisin iclasları onlayn keçiriləcək
- Əmanətlərin tam sığortalanması müddətinin artırılması I oxunuşdan keçdi
- Hərbi vəziyyətin ləğvi müzakirəyə çıxarılır
- Milli Məclisin növbəti plenar iclasında bu məsələlər müzakirə olunacaq
- Büdcə layihəsi birinci oxunuşda qəbul edildi