Azərbaycanda cəza siyasəti bir qədər də humanistləşdirilir
15:23 17 Aprel 2020
“Azərbaycan Respublikasının Prezidenti cənab İlham Əliyev tərəfindən cəza siyasətinin humanistləşdirilməsi və cinayətlərin dekriminallaşdırılması ilə bağlı Milli Məclisə təqdim edilən yeni layihədə 200-ə yaxın dəyişiklik təklif olunur. 35 cinayətin dekriminallaşdırılması nəzərdə tutulur, 10 cinayət əməli Cinayət Məcəlləsindən çıxarılır, 25 cinayət əməlinə görə məsuliyyət yaradan hədd artırılır”.
Femida.az xəbər verir ki, bunu Milli Məclisin Hüquq siyasəti və dövlət quruculuğu komitəsinin üzvü Kamal Cəfərov deyib.
O bildirib ki, 3 cinayətə görə zərərçəkmiş şəxslə barışma və ziyanın ödənilməsi şərti ilə cinayət məsuliyyətindən azad etmə müəyyən olunur: “30 cinayətə görə sanksiyalara azadlıqdan məhrum etməyə alternativ cəzalar (cərimə, islah işləri və azadlığın məhdudlaşdırılması) daxil edilir. 60 cinayətə görə cərimə və ya azadlıqdan məhrum etmə cəzasının yüngülləşdirilməsi nəzərdə tutulur”.
O qeyd edib ki, məhkumluğun götürülməsi ilə bağlı mövcud hüquqi boşluq da aradan qaldırılır: “Bu dəyişikliyə qədər, məhkəmə şəxsin məhkumluğunun götürülməsi barədə qərar qəbul edirdi. Lakin həmin şəxsin əlavə cəzası bəzi hallarda üzərində qalırdı. Yeni dəyişiklik imkan verir ki, məhkəmə şərti məhkum etməni ləğv edən zaman məhkumu tamamilə və ya qismən əlavə cəzadan azad etsin”.
Femida.az
Oxunub: 1849
Oxşar xəbərlər
- 9-cu sinif şagirdini hansı cəza gözləyir? - Vəkil Sadiq Əfəndiyevdən açıqlama
- Binəqədidə ağacı zədələyən şəxs cəzalandırılıb
- Enerji içkisi olmayan suları bu adla satan obyekt sahibləri cəzalandırılıb
- Kürdəmirin sabiq icra başçısı və digər vəzifəli şəxslərin cəzası azaldılıb
- Paşinyanın avtomobil karvanının cinayət törədən sürücüsü cəzasız qalıb
- Məhkəmə Əjdər Olun cəzasını azaldıb
- Prokuror Cəlilabadın sabiq icra başçısına 13 il həbs cəzası istəyib
- Təranə Səmədova narkotikə görə cəzalandırılıb
- Maqsud Mahmudova 14 il həbs cəzası verilib
- Bakıda arvadını öldürən sabiq hakimin cəzası azaldılıb