Dünyanın ən iri təyyarəsi Bakıda eniş etdi
15:13 19 Aprel 2020
Bu gün səhər saatlarında Heydər Əliyev Beynəlxalq Aeroportunda dünyanın ən iri An-225 "Mriya" hava gəmisi eniş edib.
Heydər Əliyev Beynəlxalq Aeroportunun mətbuat xidmətindən Femida.az-a verilən məlumata görə, əlavə yanacaq doldurmaq məqsədilə Bakının hava limanında enən təyyarə Qazaxıstandan Fransaya kommersiya reysi yerinə yetirir.
"Mriya" aviasiya tarixində dünyanın ən iri və ən ağır yükgötürmə qabiliyyətinə malik olan hava gəmisidir və 1988-ci ildə "Antonov" aviasiya konserni tərəfindən bir nüsxədə istehsal edilib. Hazırda eyni adlı "Antonov Airlines" yük aviaşirkətinin rəhbərliyi altında istismar olunur.
Bu, "Mriya"nın (Ukrayna dilində "arzu" deməkdir) Bakıda ilk enişi deyil. Heydər Əliyev Beynəlxalq Aeroportu belə böyük təyyarəni qəbul etməyə hazır olan uçuş-enmə zolağı ilə təchiz edilmiş məhdud sayda dünya hava limanları sırasına daxildir.
Qeyd etmək lazımdır ki, Heydər Əliyev Beynəlxalq Aeroportu həmçinin dünyanın ən iri "Airbus A380" sərnişin laynerini dəfələrlə qəbul etmişdir.
"Mriya"nın Bakıya səfəri haqqında Heydər Əliyev Beynəlxalq Aeroportu tərəfindən qısa videoçarx hazırlanıb. https://youtu.be/LvRSvP_nL2o keçidə daxil olmaqla videoçarxla tanış olmaq mümkündür.
Oxunub: 1023
Oxşar xəbərlər
- Dünyanın pandemiya baxımından ən təhlükəli ölkələri məlum olub
- Dünyanın ən varlı ailələrinin siyahısı - Açıqlandı
- Dünyanın göz yumduğu rəzalət və pozitiv nümunədə Azərbaycan
- Dünyanın iki ölkəsində yeni kütləvi infeksiya yayıldı
- Dünyanın ən uca binası üzərində Azərbaycan bayrağı proyeksiya olunub - VİDEO
- Dünyanın ən məşhur robotları Bakıya gələcək
- Dünyanın ən varlı insanı bir gündə 6,9 milyard dollar itirib
- Dünyanın ən nadir və qəribə xəstəlikləri
- Dünyanın ən xoşbəxt uşaqları bu ölkədə yaşayır
- Dünyanın 100 ən iri şirkətinin sərmayəsi rekord həddə çatıb