Azərbaycan Miqrasiya və İnkişaf üzrə Qlobal Forumun Rəhbər Qrupuna üzv seçildi
11:44 22 Aprel 2020
Azərbaycanın milli və regional səviyyədə miqrasiyanın idarə edilməsi sahəsində əldə etdiyi mühüm uğurlar nəzərə alınaraq ölkəmiz Miqrasiya və İnkişaf üzrə Qlobal Forumun Rəhbər Qrupuna üzv seçilib.
Bu barədə Femida.az-a Dövlət Miqrasiya Xidmətindən məlumat verilib.
Qeyd edək ki, 2007-ci ildə təsis edilmiş Miqrasiya və İnkişaf üzrə Qlobal Forum miqrasiya və inkişaf məsələlərinin qlobal miqyasda müzakirə olunduğu, Birləşmiş Millətlər Təşkilatına üzv bütün dövlətlərin, beynəlxalq təşkilatlar və vətəndaş cəmiyyəti institutlarının iştirak etdiyi ən böyük prosesdir.
Forumun məqsədi miqrasiya sahəsində mövcud regional məsləhətləşmələri dəstəkləmək, eləcə də milli və beynəlxalq səviyyədə miqrasiya və inkişaf üçün vahid yanaşmanı təşviq etməkdir. Hazırda 29 dövlətin təmsil olunduğu Rəhbər Qrup Forumun işinin ümumi strateji istiqamətləndirilməsini həyata keçirir, fəaliyyətdə olan sədrə dəstək verir və prosesin davamlılığını təmin edir. Həmçinin ehtiyac olduqda forumun gündəliyinin və iş planının işlənib hazırlanması ilə əlaqədar onun sədrinə tövsiyələr verir.
Forumun rəhbər qrupunda təmsilçilik ölkəmizin qlobal səviyyədə miqrasiya idarəçiliyində fəal iştirakını təşviq edəcək, Azərbaycanın bu sahədə yaxşı təcrübələrinin bölüşdürülməsinə töhfə verəcək.
Femida.az
Oxunub: 588
Oxşar xəbərlər
- Azərbaycan Ordusunun mövqeləri atəşə tutulub
- Azərbaycan Mərkəzi Bankı əhaliyə xəbərdarlıq edib
- Azərbaycanda hərbi xidmətə növbəti çağırış başlayıb
- Azərbaycan Prezidenti Bolqarıstana rəsmi səfərə gedib
- Azərbaycan Mərkəzi Bankının valyuta məzənnələri (27.09.2022)
- Azərbaycanda qızlar niyə yoxa çıxır? - Görün hardan tapılırlar
- Azərbaycan Ordusunun əsgəri vəfat edib
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Azərbaycan Mərkəzi Bankının valyuta məzənnələri (05.09.2022)