Azərbaycanda əmanətlərin tam sığortalanması müddəti artırılıb
15:39 25 Aprel 2020
Prezident İlham Əliyev “Əmanətlərin tam sığortalanması haqqında” qanuna dəyişiklik edilməsi barədə qanunu təsdiqləyib.
Femida.az xəbər verir ki, sənədlə qanunun 3-cü maddəsində dəyişiklik olunub.
Dəyişikliyə əsasən, ölkədə əmanətlərin tam sığortalanması müddəti daha 9 ay artırılaraq bu il dekabrın 4-nə qədər müəyyən edilib.
Xatırladaq ki, Azərbaycanda “Əmanətlərin tam sığortalanması haqqında” 4 mart 2016-cı ildə, 3 il müddətinə qəbul edilib. Məqsəd manatın 2015-ci ildəki ikili devalvasiyasından sonra, banklardan əmanətlərin geri götürülməsinin qarşısını almaq olub. Ötən il martın 4-də, Milli Məclis qanunun qüvvədə olma müddətini 1 il uzadıb.
Qanunla bağlı gözləntilər özünü doğruldub. Sənəd qüvvəyə mindikdən 3 ay sonra Azərbaycanda bank əmanətləri yenidən artmağa başlayıb və ötən ilin oktyabr ayında 4 illik maksimumu yeniləyərək 8,8 milyard manata çatıb. Bununla belə, son bir neçə ayda bank əmanətlərinin yenidən azalması müşahidə edilir.
Femida.az
Oxunub: 674
Oxşar xəbərlər
- ABŞ Ukraynadan Qərb silahlarını Rusiyaya qarşı istifadə etməyəcəyi ilə bağlı zəmanət alıb
- Dekabrdan Rusiyaya pomidor istehsalına ixrac AQTA-nın zəmanətinə əsasən veriləcək
- Əmanətlərinin dollarlaşması ilin əvvəlinə nəzərən azalıb
- Heydər Əliyev əmanəti Azərbaycan etibarlı əllərdədir
- İpoteka və Kredit Zəmanət Fondunun nizamnamə kapitalı artırılıb
- Bağlanmış bankların əmanətçilərinə 641 mln manatdan artıq kompensasiya ödənilib
- Azərbaycan əhalisinin bank əmanətlərinin həcmi açıqlanıb
- Əhalinin banklardakı əmanətləri artıb
- Azərbaycanda bu qanun qüvvədən düşüb
- Azərbaycan banklarına əmanət qoyuluşu artıb