Polisdən “plyonka” xəbərdarlığı - 3 gün sonra...
10:33 27 Aprel 2020
Azərbaycanda günəşli havaların gəlməsi ilə avtomobillərin şüşələrində istifadə olunan pərdə və plyonkaların istifadəsi yenidən gündəmə gəlib.
Ötən il Dövlət Yol Polisi İdarəsinin rəisi, polis general-mayoru Ramiz Zeynalovun adından yayılan telefonoqramda qeyd edilmişdi ki, hər il mayın 1-dən noyabrın 15-dək respublikanın iqlim şəraiti nəzərə alınaraq nəqliyyat vasitələrinin arxa və yan şüşələrində sənaye üsulu ilə hazırlanan avtomobillərdə jalüzlərindən istifadəyə icazə verilib.
R. Zeynalovun qərarında göstərilirdi ki, bu barədə qanunvericiliyə əlavə və dəyişikliklər baxılma ərəfəsindədir və qanunda dəyişikliklər edilənədək sürücülər cərimə olunmayacaq.
Artıq 3 gündən sonra növbəti mövsüm başlayır. Lakin bu müddət ərzində qanunvericiliyə bununla bağlı hər hansı bir dəyişiklik edilmədi. Bəs bu il yol polisi bu məsələdə necə davranacaq?
DYPİ-nin mətbuat katibi, polis polkovniki Kamran Əliyev "Qafqazinfo"ya açıqlamasında bildirib ki, yay rejimində də jalüzlərdən istifadəyə icazə veriləcək: "Burada söhbət "plyonka"dan yox, jalüzlərdən gedir. Mayın 1-dən noyabrın 15-dək "plyonka" yox, jalüzlərdən istifadəyə icazə verilir. Əvvəlki qanunvericilik qüvvədədir, heç bir dəyişiklik olmayıb".
K. Əliyev "Əks təqdirdə, sürücülər barəsində inzibati tənbeh tədbiri görüləcəkmi?" sualına "Görülə bilər" deyə cavab verib.
Oxunub: 553
Oxşar xəbərlər
- Polisdən əməliyyat - 128 kq narkotik götürüldü (VİDEO)
- Polisdən uğurlu əməliyyat: 22 kq-dan artıq narkotik aşkarlandı
- Polisdən əhaliyə müraciət - Maska taxın, çalışın avtobusa minməyin!
- Polisdən bankomat oğrusu ilə bağlı əhaliyə MÜRACİƏT
- Polisdən uğurlu əməliyyat: Tutulanlar var
- Polisdən uğurlu əməliyyat: 28 cinayətin üstü açıldı
- Polisdən ən çox şikayət edilən rayonların adları açıqlanıb - SİYAHI
- Polisdən narkotacirlərə qarşı əməliyyat: Tutulanlar var
- Polisdən silsilə narkotik əməliyyatları - 6 nəfər TUTULDU
- Polisdən Müsavat rəhbərliyinə XƏBƏRDARLIQ