Peşə Təhsil Mərkəzi məsafədən dərsləri belə təşkil edir
13:30 28 Aprel 2020
Sənaye və İnnovasiyalar üzrə Bakı Dövlət Peşə Təhsil Mərkəzi Təhsil Nazirliyinin təklif etdiyi “Microsoft Teams” platformasına qoşularaq təlim-tədris prosesinin məsafədən təşkilini təmin etməkdədir.
Təhsil Nazirliyindən Femida.az-a verilən məlumata görə, tədrisin dayandırıldığı müddətdə "Microsoft Teams” platforması vasitəsilə təhsil müəssisələrinə video-bağlantı qurmaqla tədris, müzakirələri təşkil etmək üçün interaktiv alətlərdən istifadə, mühazirə və digər dərs materiallarının ötürülməsi, istənilən ölçüdə materialların yerləşdirilməsi, qrup işinin aparılması kimi imkanlar yaradılır.
Bununla yanaşı, mərkəz tərəfindən tədrisdə yaranmış müvəqqəti fasilə ilə əlaqədar olaraq təhsilalanların dərs prosesindən kənar qalmaması üçün müvafiq videodərslərin çəkilişi davam etdirilir. Hazırlanmış videodərslər Mərkəzin “YouTube” kanalı, "Facebook" səhifəsi və video.edu.az portalında yenilənərək yerləşdirilir.
Qeyd edək ki, videodərslər Mərkəzin mütəxəssisləri tərəfindən peşə təhsilinə dair kurikuluma uyğun olaraq tərtib olunur. Dərslər Mərkəzdə tədris olunan 8 ixtisas istiqamətləri üzrə mövzuları əhatə edir, müxtəlif cihaz və avadanlıqların iş prinsipləri və təlimatlarını əks etdirir. Videodərslərdən peşə təhsili müəssisələrində təhsil alan tələbələr, həmçinin texniki sahənin müəyyən istiqamətlərində bacarıq və vərdişlərini artırmaq istəyən şəxslər, müəllimlər metodik vəsait kimi istifadə edə bilərlər.
Femida.az
Oxunub: 684
Oxşar xəbərlər
- Peşə hazırlığına cəlb olunan şəxslərə təqaüd veriləcək
- Peşə təhsili pilləsi üzrə təqaüdlərin təyin olunması və ödənilməsi qaydası dəyişib
- Peşə məktəblərinin tələbələrinin təqaüdləri artırılıb
- Peşə təhsili pilləsinə elektron tələbə qəbulunun nəticələri açıqlanıb
- Peşə liseyi direktorunun cinayət işi məhkəməyə göndərilib
- Peşə təhsili müəssisələrinin vəzifəli şəxsləri məsuliyyətə cəlb olundu
- Peşə məktəblərində oxuyanların 88 faizi əyani təhsil ala biləcək
- Peşə təhsili alanlar ixtisas dərslikləri ilə təmin ediləcək
- Peşə dərslərinin sabaha olan CƏDVƏLİ
- Peşə təhsilinə göstərilən qayğı insan kapitalına qoyulan investisiyadır