“Azərpoçt” daha 16 ölkəyə göndərişi bərpa edib
12:44 29 Aprel 2020
Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC daha 16 ölkəyə göndərişlərin qəbulunu bərpa edib.
Bu barədə Femida.az-a qurumdan məlumat verilib.
Qurum tərəfindən yük aviaşirkəti ilə danışıqlar davam etdirilərək beynəlxalq poçtdaşımaları barədə yeni razılıq əldə olunub.
Hazırda poçt şöbələrində və “Şəbəkə” xidmət mərkəzlərində Almaniya, Amerika Birləşmiş Ştatları, Avstriya, Belçika, Böyük Britaniya, Bolqarıstan, Çexiya, Çin, Danimarka, Fransa, Honkonq, Gürcüstan, Estoniya, İsrail, İsveç, İsveçrə, İtaliya, İspaniya, Kanada, Koreya, Qazaxıstan, Qırğızıstan, Litva, Macarıstan, Niderland, Norveç, Polşa, Portuqaliya, Rusiya, Sinqapur, Tailand, Türkiyə, Ukrayna və Yaponiyaya beynəlxalq poçt göndərişlərinin qəbulu həyata keçirilir. Digər ölkələrə də göndərişlərin həyata keçirilməsi üçün danışıqlar davam etdirilir. Yeniliklər olduğu halda məlumatlar “Azərpoçt” MMC-nin saytında (azerpost.az) yerləşdiriləcək.
Qeyd edək ki, hazırda xarici ölkələrdən Azərbaycana daxil olan beynəlxalq poçt göndərişlərinin təyinat məntəqələrinə çatdırılmasında məhdudiyyət yoxdur.
Xatırladaq ki, vətəndaşların çoxsaylı müraciətləri nəzərə alınmaqla aprelin 14-dən etibarən “Azərpoçt” 18 ölkəyə beynəlxalq poçt göndərişlərinin qəbulunu bərpa edib. Yeni qərarla qeyd olunan dövlətlərin sayı 34-ə çatdırılıb.
Femida.az
Oxunub: 1415
Oxşar xəbərlər
- “Azərpoçt”un inkassatoru şirkətin 10 min manata yaxın vəsaitini mənimsəyib
- “Azərpoçt” bayram günlərində işləyəcək
- “Azərpoçt”un rəhbəri dəyişib
- “Azərpoçt” MMC-nin şöbə müdiri məhkəmə zalında həbs edildi
- “Azərpoçt”un baş direktor müavini işdən çıxıb
- “Azərpoçt”un əməkdaşları iş yerindən oğurluğa görə tutuldu
- “Azərpoçt”da birdəfəlik ödəmənin verilməsinə başlanıldı
- “Azərpoçt”un baş direktoruna daha bir müavin təyin edilib
- “Azərpoçt” əhaliyə xəbərdarlıq etdi: Dələduzluq halları...
- “Azərpoçt”dan oyun aparatları OĞURLANDI