Nardaranda əl qumbarası tapılıb
17:40 29 Aprel 2020
Aprelin 29-da Daxili İşlər Nazirliyinin ″102″ Xidməti-Zəng mərkəzi sistemindən Ərazilərinin Minalardan Təmizlənməsi üzrə Milli Agentliyə (ANAMA) Bakı şəhəri, Sabunçu rayonu, Nardaran qəsəbəsi, Abşeron küçəsi döngə 2, ev 4 ünvanında partlamamış mərminin tapılması barədə məlumat daxil olub.
ANAMA-dan Femida.az-a verilən məlumata əsasən Agentliyin xüsusi mobil çevik əməliyyat qrupu və Daxili İşlər Nazirliyinin Bakı şəhər Baş Polis İdarəsinin Sabunçu rayon Polis İdarəsinin əməkdaşları dərhal həmin əraziyə göndərilib.
Agentliyin mütəxəssisləri və Sabunçu rayon Polis İdarəsinin əməkdaşları tərəfindən birlikdə əraziyə baxış keçirilib. Təhlükəsizliyi təmin etmək məqsədilə ərazi polislər tərəfindən mühasirəyə alınıb. Agentliyin mütəxəssisləri tərəfindən aparılan əməliyyat-axtarış tədbirləri nəticəsində 1 ədəd RQD-5 əl qumbarası və 1 ədəd UZRQM partladıcısı aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Əl qumbarasının və partladıcının ətrafında 480 kv.m əraziyə yerüstü, 120 kv.m əraziyə isə yeraltı baxış keçirilib, əlavə təhlükəli əşya və qurğu aşkarlanmayıb.
Femida.az
Oxunub: 999
Oxşar xəbərlər
- Nardaranda şəhidin dəfnində insident yaşanıb
- Nardaranda qəbristanlıqda silah-sursat tapılıb
- Nardaranda əl qumbarası, patronlar aşkarlandı
- Nardaranda əməliyyat - Silah aşkarlandı
- Nardaranda xeyli sayda silah-sursat tapılıb
- Nardaranda 4 nəfərin batması ilə bağlı cinayət işi açılıb
- Nardaranda dənizdə 4 uşaq batıb
- Nardaranda silah aşkarlanıb
- Nardaranda əl qumbarası tapılıb
- Nardaranda gizlədilən silah tapıldı