Ötən ay 130 partlamamış hərbi sursat tapılıb
10:15 01 May 2020
Cari ilin aprelində Azərbaycan Respublikası Ərazilərinin Minalardan Təmizlənməsi üzrə Milli Agentliyinə (ANAMA) Fövqəladə Hallar Nazirliyinin (FHN) Böhran Vəziyyətlərində İdarəetmə mərkəzindən 2, Daxili İşlər Nazirliyinin (DİN) “102” Xidməti-Zəng mərkəzi sistemindən 18, Dövlət Sərhəd Xidmətindən (DSX) 7 və Rayon Polis Şöbəsindən 1 müraciət daxil olub.
ANAMA-dan Femida.az-a bildirilib ki, müraciətlər əsasında Daxili İşlər Nazirliyinin, Fövqəladə Hallar Nazirliyinin, Səhiyyə Nazirliyinin, Dövlət Sərhəd Xidmətinin əməkdaşları ilə birlikdə 25 operativ və təxirəsalınmaz əməliyyat çıxışı olub ki, nəticədə Ağcabədi, Ağdam, Ağstafa, Beyləqan, Füzuli, Goranboy, Qazax, Şəmkir, Tərtər, Tovuz, Ucar rayonları, Bakı, Gəncə, Sumqayıt və Lənkəran şəhərləri ərazisində 10 min 855 kvadratmetr ərazi yoxlanılıb, 128 ədəd partlamamış hərbi sursat, 2 ədəd tank əleyhinə mina və 797 ədəd müxtəlif çaplı patronlar aşkarlanaraq yerli əhalinin təhlükəsizliyinin təmin edilməsi məqsədilə Agentliyin Mərkəzi Məhvetmə ərazisinə daşınaraq zərərsizləşdirilib.
Xüsusi karantin dövrü ərzində FHN-in Böhran Vəziyyətlərində İdarəetmə mərkəzindən 3, DİN-nin “102” Xidməti-Zəng mərkəzi sistemindən 21, DSX-dan 7 və Rayon Polis Şöbəsindən 1 müraciət əsasında Abşeron, Ağcabədi, Ağdam, Ağstafa, Beyləqan, Füzuli, Goranboy, Qazax, Şəmkir, Tərtər, Tovuz, Ucar rayonları, Bakı, Gəncə, Sumqayıt və Lənkəran şəhərlərində 28 operativ və təxirəsalınmaz əməliyyat çıxışı olub ki, nəticədə 11 min 555 kvadratmetr ərazi yoxlanılıb, 130 ədəd partlamamış hərbi sursat, 2 ədəd tank əleyhinə mina və 797 ədəd müxtəlif çaplı patronlar aşkarlanaraq yerli əhalinin təhlükəsizliyinin təmin edilməsi məqsədilə Agentliyin Mərkəzi Məhvetmə ərazisinə daşınaraq zərərsizləşdirilib.
Ümumiyyətlə, Agentliyin 21 ildən artıq fəaliyyəti ərzində 543 milyon 456 min 292 kvadratmetr ərazi təmizlənib, 807 min 315 ədəd mina və partlamamış hərbi sursat tapılaraq zərərsizləşdirilib.
2020-ci ilin aprelində mina və partlamamış hərbi sursat hadisəsi qeydə alınmayıb.
Femida.az
Oxunub: 786
Oxşar xəbərlər
- Kəlbəcərdə minaya düşən polkovnikin son durumu açıqlanıb
- Kəlbəcərdə mina partlayışı ilə bağlı cinayət işi açılıb
- Füzulidə minaya düşən polisin ayağı amputasiya edilib
- Bakıda ödəmə terminalından pul oğurlanıb
- Cəbrayılda mina partlayışında xəsarət alan ANAMA əməkdaşı evə buraxılıb
- ANAMA-nın əməkdaşı Cəbrayılda minaya düşüb
- XİN: "Üçtərəfli bəyanatdan sonra 219 nəfər mina qurbanı olub"
- Azad edilən ərazilərdə ötən həftə aşkarlanan minaların sayı açıqlanıb
- Nazir: “Azərbaycan minimum pensiyanın nominal indeksinə görə MDB-də 1-ci yerdədir”
- Ötən ay azad edilən ərazilərdə aşkarlanan minaların sayı açıqlanıb