Ötən gün Çində koronavirusa 2 yoluxma qeydə alınıb

10:50     03 May 2020

Son bir gündə Çində koronavirusa yoluxmuş 28 pasiyent sağalıb, ölüm hadisəsi qeydə alınmayıb.

Femida.az “RİA Novosti”yə istinadən xəbər verir ki, bu barədə Çin Xalq Respublikasının Səhiyyə məsələləri üzrə Dövlət Komitəsinin xəbərində bildirilir.

Qeyd edilir ki, son bir gündə cəmi 2 nəfərdə koronavirusa yoluxma qeydə alınıb. Yeni yoluxmalar Şanxay və Şansi şəhərində aşkarlanıb.

Hazırda Çində toplam olaraq 1 672 nəfər xaricdən gələn vətəndaşda koronavirus xəstəsi var. Xəstələrdən 6-sı ağır vəziyyətdədir, 1 221 insan sağalıb, 451 xəstə müalicə alır. Bildirilib ki, xaricdə yoluxmuş vətəndaşların heç biri ölməyib.

“Dövlət Komitəsinə 31 əyalətdən (rayonlardan, mərkəzi tabeliyindəki şəhərlərdən) koronavirusla bağlı 82 877 nəfərin xəstə olduğu (10 nəfərin vəziyyəti ağırdır), 77 713 nəfərin sağalaraq xəstəxanadan evə buraxılması barədə məlumat daxil olub. Son məlumata görə, 4 633 nəfər ölüb”.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.

Açar sözlər:

Oxunub: 809