Qayda pozan sürücülərə qarşı reyd keçirildi
13:42 04 Dekabr 2015
Yevlax Rayon Polis Şöbəsinin (RPŞ) Dövlət Yol Polisi (DYP) bölməsinin əməkdaşları tərəfindən yol hərəkəti qaydalarını pozan sürücülərə qarşı reyd keçirilib. Sürücülük hüququ olmadan avtomobil idarə edən, sərxoş vəziyyətdə olan, ötmə qaydalarını pozan, görməni məhdudlaşdıran şüşələrdən istifadə edən, avtomobili texniki baxışdan keçirməyən əsasən də təhlükəsizlik kəmərindən istifadə etməyən sürücülər aşkarlanıb.
Onlar barəsində inzibati qaydada tədbirlər görülüb, cərimələr tətbiq edilib. Sürücülük hüququ olmayanların avtomobilləri cərimə meydançasına aparılıb.
Reyd zamanı yol polisinə müqavimət göstərən və xidmətin aparılmasına mane olmağa çalışan sürücülərə də rast gəlinib. Ümumilikdə 20 sürücü barəsində inzibati-protokol tərtib edilib.
"Qaydaları pozan, avtomaşını sərxoş vəziyyətdə idarə edən, sürücülük hüququ olmayan, kateqoriyası olmayan, ötmə qaydasını, üfüqi nişanlanma xətlərinin tələblərini, manevr etmə qaydalarını pozan və digər bu kimi hallara yol verən sürücülərə qarşı mübarizə daha da gücləndirilib” - deyə Yevlax RPŞ DYP bölməsinin rəisi Cavanşir Vəliyev bildirib. Reydlər davam etdiriləcək.
Mingəçevirdə də gecə saatlarında reyd keçirilib.Reyd zamanı əsasən avtoxuliqanlıq edən, eləcə də nəqliyyat vasitələrinə pərdə və plyonkalar quraşdıran sürücülərə rast gəlinib.Bir neçə sürücü inzibati məsuliyyətə cəlb olunub.Bəzi avtomobillər cərimə meydançasına aparılıb.
Oxunub: 898
