Masazırda 15-ə yaxın mənzildən oğurluq edən dəstə saxlanılıb

18:51 06 May 2020

Masazırda 15-ə yaxın mənzildən oğurluq edənlər saxlanılıb.

Femida.az-ın məlumatına görə, Abşeron polisinin keçirdiyi əməliyyat zamanı həmin mənzilləri qarət edən dəstə ələ keçirilib.

Belə ki, Balakən rayonunun Şambul kənd sakini, 43 yaşlı Sərdar Bəyoğluyev tanışı, Bakı şəhər sakini, 40 yaşlı Rövşən Abdullayev və Ağdam rayonunun Seyidli kənd sakini, 48 yaşlı Soltan Məmmədovla qabaqcadan əlbir olaraq Abşeron rayonunun Masazır kəndində ümumilikdə 15-ə yaxın mənzildən oğurluq ediblər.

Dəstə üzvləri mənzillərdən məişət və elektrik avadanlıqları, su nasosu, televizor, təmir-tikinti alətləri aparıblar. Hər üç şəxs tutularaq polis idarəsinə aparılıb və istintaqa təhvil verilib.

Faktla bağlı araşdırma aparılır.

Femida.az