Qəza törədən “KamAZ”ın sürücüsü həbs edildi
16:07 09 May 2020
İmişli rayonu ərazisində 2 nəfərin ölümü ilə nəticələnən yol-nəqliyyat hadisəsi törədən sürücü cinayət məsuliyyətinə cəlb edilib.
Azərbaycan Respublikası Baş Prokurorluğunun Mətbuat xidmətindən Femida.az-a verilən məlumata görə, belə ki, mayın 4-də saat 6 radələrində İmişli şəhər sakini Ruslan Gülməmmədovun idarə etdiyi “KamAZ” markalı 30-BD-252 dövlət qeydiyyat nişanlı yük avtomobilinin Camal Kərimovun idarə etdiyi “Qazel” markalı 30-BE-192 dövlət qeydiyyat nişanlı yük avtomobili ilə toqquşması nəticəsində sürücü C. Kərimovun və “KamAZ” markalı avtomobildə olan sərnişin Nizaməddin Musayevin vəfat etmələri, 2 nəfərin isə müxtəlif dərəcəli bədən xəsarətləri almaları faktına görə İmişli rayon Polis Şöbəsinin İstintaq Bölməsində Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanıb.
Cinayət işi üzrə hadisə yerinə baxış keçirilmiş, şahidlər dindirilmiş, zəruri ekspertizalar təyin olunmuş və digər təxirəsalınmaz istintaq hərəkətləri həyata keçirilib.
R.Gülməmmədova Cinayət Məcəlləsinin qeyd edilən maddəsi ilə ittiham elan olunmaqla barəsində məhkəmənin qərarı ilə həbs qətimkan tədbiri seçilib.
Hazırda iş üzrə zəruri istintaq tədbirləri davam etdirilir.
Femida.az
Oxunub: 1038
Oxşar xəbərlər
- Qəzadan sağ çıxan hərbçilər danışır - VİDEO
- Qəzaya uğrayan hərbi helikopterin qara qutusu tapılıb
- Qəzada yaralanan Şəki sakini xəstəxanada ölüb
- Qəza törədən qadın sürücü hadisə yerindən yayınmaq istəyib
- Qəzalı vəziyyətdə olan məktəb və uşaq bağçalarında monitorinq aparılacaq
- Qəzada ölən şəxsin yaxınları məhkəmə-tibb ekspertini döyüb
- Qəza bu prospektdə tıxac yaratdı
- Qəzalarda beyin ölümü keçirənlərin orqanları transplantasiya üçün götürülə bilər
- Qəza törədərək hadisə yerindən qaçan sürücü tutulub
- Qəza törədən qadın sürücünün məhkəməsi başlayır