Milli Məclisin Sədri: "Qanunların icrasına nəzarət gücləndirilməlidir"


22:20     15 May 2020 20_05_15_1589570511.jpg

"Hazırda Azərbaycan öz inkişafının yeni mərhələsini yaşayır".

Femida.az xəbər verir ki, bunu Milli Məclisin Sədri Sahibə Qafarova deyib.

Spikerin sözlərinə görə, 2018-ci ilin Prezident seçkilərindən sonra dövlət başçısı cənab İlham Əliyevin təşəbbüsü və rəhbərliyi ilə cəmiyyət həyatının bütün sahələrini əhatə edən struktur və kadr islahatları geniş vüsət alıb: "Ölkəmizin qanunvericilik orqanı da bu islahatlardan kənarda qala bilməzdi. Bu il fevralın 9-da keçirilən növbədənkənar seçkilər nəticəsində parlamentin yeni tərkibi formalaşıb və altıncı çağırış Milli Məclis fəaliyyətə başlayıb. Prezident İlham Əliyev Milli Məclisin birinci iclasında söylədiyi proqram xarakterli nitqində digər məsələlərlə yanaşı, qanunvericilik orqanı qarşısında dayanan vəzifələri də müəyyən edib. Bizim fəaliyyətimizin yol xəritəsi olan bu nitqində cənab İlham Əliyev dövlətin və cəmiyyətin parlamentdən gözləntilərini ifadə edib.

Bu gözləntilərin nədən ibarət olması barədə Spiker deyib ki, ilk növbədə, qanunvericilik fəaliyyəti təkmilləşdirilməli, yeni qanunların hazırlanması zamanı daha çox keyfiyyətə fikir verilməlidir: "Qanunların qəbulu ilə yanaşı, onların icrasına nəzarət də gücləndirilməlidir".

Femida.az

Açar sözlər:

Oxunub: 751