Bakıda yeniyetməni döyən qızlar tutuldu - RƏSMİ
11:04 16 May 2020
Sosial şəbəkələrdə yeniyetməyə qarşı xuliqanlıq hərəkətləri ilə müşayiət olunan videogörüntülər tərəfimizdən tam və hərtərəfli araşdırılıb.
Bu barədə Bakı şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev Femida.az-a bildirib.
Onun sözlərinə görə, mayın 14-də Xətai rayonu Vunq Tau küçəsində 16 yaşlı Z. Musayevanı naməlum şəxslər xuliqanlıq zəminində döyüblər.
Həmin görüntülər onlara məxsus “Instagram” hesablarında onlayn formada yayımlanıb.
Bakı şəhər Baş Polis İdarəsi və Xətai RPİ əməkdaşlarının keçirdikləri müvafiq tədbirlərlə azyaşlıya qarşı xuliqanlıq hərəkətləri törətməkdə şübhəli bilinənlər – İmişli rayon sakini, 2002-ci təvəllüdlü Yeganə Əzimli, Bakı şəhər sakinləri, 2001-ci il təvəllüdlü Günel Qədirli, 2002-ci təvəllüdlülər – Lalə Məmmədova, Astara rayon sakini Safiya Quliyeva müəyyən olunub.
Onlar ilkin ifadələrində törətdikləri əməli etiraf edərək peşiman olduqlarını bildiriblər.
Faktla bağlı Cinayət Məcəlləsinin 221-ci (Xuliqanlıq) maddəsi ilə cinayət işi başlanılıb. Şübhəli şəxslər ətrafında araşdırmalar davam etdirilir.
Araşdırmanın nəticəsindən asılı olaraq, əmələ hüquqi qiymət veriləcək.
Femida.az
Oxunub: 1166
Oxşar xəbərlər
- Azərbaycanda qızlar niyə yoxa çıxır? - Görün hardan tapılırlar
- Bakıda 16 yaşlı qız itkin düşüb
- Bakıda yeniyetmə qız itkin düşüb
- Nigeriyada 162 nəfər Lassa qızdırmasından ölüb
- Bakıda gənc qız və oğlan itkin düşüb
- Bərdədə qadının evi yandırılıb, azyaşlı qızı isə bıçaqlanıb
- Aİ Rusiya qızılının ixracına qadağa qoyub
- Bakıda dənizdə 7 yaşlı qız nənəsinin gözləri qarşısında boğulub
- Azərbaycan hərbçiləri Zod qızıl mədənindən görün nə tapdılar: Ermənilərin...
- Avstraliya Rusiyadan qızıl idxalını qadağan edib