Bəzi rayonlarda yağış yağıb, güclü şimal küləyi zəifləyib
12:14 25 May 2020
Mayın 25-i səhərədək bəzi şimal və qərb rayonlarında yağış yağıb.
Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən verilən məlumata görə, düşən yağıntının miqdarı Sarıbaşda (Qax) 8 mm, Zaqatala, Kişçayda (Şəki) 3 mm, Daşkəsən, Ağdərə, Tovuz, Balakən, Lerikdə 2 mm, Şahbuz, Ordubad, Gədəbəy, Göygöl, Gəncə, Şəmkir, Ceyrançöl, Ağstafa, Oğuz, Şəki, Qrız, Mingəçevir, Sabirabad, Cəfərxan, Biləsuvar, Yardımlı, Astara, Xınalıqda 1 mm olub.
Mayın 25-i səhər saatlarından güclü şimal küləyi zəifləyib, dalğanın hündürlüyü Neft Daşları stansiyasının məlumatına əsasən 2.6 metrə enib.
Qeyd olunub ki, mayın 25-də gün ərzində hava şəraiti Bakıda və Abşeron yarımadasında əsasən yağmursuz keçəcək, mülayim şimal-şərq küləyi əsəcək.
Azərbaycanın şərq rayonlarında hava şəraiti əsasən yağmursuz keçəcək, qərb rayonlarında isə gündüz yağıntılar tədricən kəsiləcək. Mülayim qərb küləyi 5-10 m/s, arabir 15-17 m/s təşkil edəcək.
Havanın maksimal temperaturu Bakıda və Abşeron yarımadasında 21-25, aran rayonlarında 25-30, dağlıq rayonlarda 14-18 dərəcə isti təşkil edəcək.
Oxunub: 649
Oxşar xəbərlər
- Ukraynanın Xerson vilayətinin bəzi kəndləri tamamilə məhv edilib
- Rusiya bəzi aeroportlarda uçuşların məhdudlaşdırılması rejimini uzadıb
- Sabah Abşeron rayonunun bəzi qəsəbələrində qaz olmayacaq
- Bakının bəzi yerlərində içməli suyun verilişi dayandırılıb
- Bakının bəzi küçə və prospektlərində yeni hərəkət sxemi müəyyən edilib
- "Azərişıq" ASC-nin bəzi xidmətləri ödənişsiz olacaq
- TƏBİB: “Meymunçiçəyi bəzi hallarda ölümlə nəticələnə bilər”
- Bəzi xəstəliklər üzrə əlillik dərəcəsi yeni qaydada təyin olunacaq
- Azərbaycanda bəzi dövlət rüsumları ləğv edilib
- Salyanda baş verən qətlin bəzi təfərrüatları məlum olub