Tbilisidə AXC-nin 102-ci ildönümü qeyd olunur
11:31 28 May 2020
Tbilisidə Azərbaycan Xalq Cümhuriyyətinin (AXC) yaranmasının 102-ci ildönümü qeyd olunur.
“Report” xəbər verir ki, ilk öncə Azərbaycanın Gürcüstandakı səfiri Dursun Həsənov, səfirlik əməkdaşları, “SOCAR Energy Georgia” şirkətinin Baş direktoru Mahir Məmmədov, Azərbaycanlı İş Adamları Birliyinin (AZEBİ) üzvləri və digər şəxslər Heydər Əliyev adına parkda ümummilli liderin büstünü ziyarət edərək önünə gül dəstələri qoyublar.
Tbilisinin Botanika bağındakı görkəmli azərbaycanlıların panteonu da ziyarət olunub, AXC-nin qurucularından olan Fətəli xan Xoyski və Həsən bəy Ağayevin məzarları üzərinə gül qoyulub.
Respublika Gününə həsr olunan tədbirlər çərçivəsində səfirlik binasının qarşısında quraşdırılmış xüsusi elektron lövhədə Azərbaycana həsr olunan videoçarx təqdim olunub. AXC-nin tarixi və müasir Azərbaycan mövzusuna aid 15 dəqiqəlik videoçarx gün ərzində nümayiş etdiriləcək.
Axşam saatlarında Tbilisi teleqülləsi Azərbaycan bayrağının rəngləri ilə işıqlandırılacaq.
Femida.az
Oxunub: 742
Oxşar xəbərlər
- Tbilisidə banka basqın olub
- Tbilisidə əcnəbi qadının qətlində ittiham olunan azərbaycanlı psixi sağlam hesab edilib
- Tbilisidə həbsxanada Ukrayna vətəndaşının meyiti aşkarlanıb
- Tbilisidə Saakaşvilinin azad edilməsi tələbi ilə aksiya başlayıb
- Tbilisidə Azərbaycan Ordusuna dəstək aksiyası keçirilib
- Tbilisidə etiraz aksiyası yenidən başladı
- Tbilisidə etiraz aksiyası bərpa olunub
- Tbilisidə mitinq davam edir
- Tbilisidə etiraz aksiyası bərpa olunub
- Tbilisidə etirazlar böyüyür - Rustaveli prospekti bağlandı