Narkotacir qohumlar saxlanıldı
09:51 30 May 2020
Cəlilabad Rayon Polis Şöbəsinin əməkdaşlarının keçirdikləri əməliyyat tədbirləri nəticəsində 6 kiloqramdan artıq güclü təsiredici narkotik vasitə aşkarlanaraq qanunsuz dövriyyədən çıxarılıb.
DİN mətbuat xidmətinin Lənkəran regional qrupundan Femida.az -a verilən məlumata görə, Cəlilabad RPŞ-nin əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Yevlax rayon sakinləri, əvvəllər məhkum olunmuş Elşad Hüseynli və qohumu Samir İsgəndərov “Range Rover” markalı avtomobildə Cəlilabad rayonu ərazisində saxlanılaraq polis şöbəsinə gətiriliblər.
Həmin avtomobilə keçirilən baxış zamanı 4 ədəd sellofan torbada ümumi çəkisi 4 kiloqram 190 qram narkotik vasitə heroin və 2 kiloqramdan artıq tiryək aşkarlanaraq götürülüb.
Saxlanılan şəxslərin həmin narkotik vasitəni şəxsiyyəti istintaqa məlum olmayan İran İslam Respublikası vətəndaşından qaçaqmalçılıq yolu əldə etdikləri və əvvəlcədən gizlədilmiş yerdən götürdükləri müəyyən edilib.
Femida.az
Oxunub: 600
Oxşar xəbərlər
- Bərdədə narkotacirlər saxlanılıb
- Yevlaxda narkotacirlər saxlanılıb
- Şabranda narkotacir saxlanılıb
- Bərdədə qadın narkotacir saxlanılıb
- Zaqatalada narkotacir tutulub
- Bakı polisi əməliyyat keçirib, 5 narkotacir saxlanılıb
- Abşeronda qəbiristanlıqda narkotacir tutulub
- Sumqayıtda narkotacir həbs olunub
- Bakıda narkotacirə hökm oxunub
- Xaricdə yaşayan narkotacirə kuryerlik edən Astara sakini saxlanılıb