Sərt karantin rejimi hər həftəsonu olacaq? - RƏSMİ AÇIQLAMA
11:54 07 İyun 2020
Dünən gecədən etibarən Bakı, Sumqayıt, Gəncə və Lənkəran şəhərləri, həmçinin Abşeron rayonunda karantin rejimi qaydaları qəfil sərtləşdirildi. Bir çox dövlət və özəl qurumların fəaliyyətləri dayandırıldı, hətta aptek və marketlər də iki günlük qapadıldı.
Tək-tək istisnalar olmaqla insanların çölə çıxışlarına qadağa qoyuldu. Əslində gözləmədiyimiz bir şey baş verdi. Çünki son günlər karantin rejiminin yumşaldılması yolu tutulmuşdu.
Bəs nə baş verdi və niyə rejim sərtləşdirildi? Bu rejim nə vaxta qədər davam edəcək?
Bu suallara TƏBİB-in idarə heyətinin sədri Ramin Bayramlı "Xəzər Xəbər"ə eksklüziv müsahibəsində aydınlıq gətirib. O, həmçinin koronavirusu simptomsuz olaraq keçirən şəxslərdə yeni xoşagəlməz əlamətlər müşahidə etdiklərinə də diqqət çəkib. Üstəlik, evdə özünü müalicə etməyə çalışan insanlara sərt xəbərdarlıq edib.
Xüsusi karantin rejimindən mərhələ-mərhələ çıxarkən bir anda həftəsonu sərt karantin rejimi tətbiq edildi. TƏBİB-in İdarə Heyətinin sədri Ramin Bayramlı müsahibəsində karantin rejiminin qəfil sərtləşdirilməsinin səbəblərini açıqladı.
Ramin Bayramlı onu da bildirdi ki, Operativ Qərargahın iş yükünün çoxalmasına, yoluxma sayının artmasına və nəticədə indiki vəziyyətin yaranmasına səbəb hələ də cəmiyyətdə bəzi insanların virusun varlığına inanmamalarıdır.
TƏBİB-in rəhbəri onu da qeyd etdi ki, həftəsonu tətbiq edilən sərt karantin qaydalarına təsadüfi gedilməyib və bunun dünyada tətbiq edilərək nəticə əldə olunan çoxsaylı elmi əsasları var.
Ramin Bayramlı hazırda yeni növ koronavirusu simptomsuz keçirən insanlarda yeni xoşagəlməz əlamətlər aşkar etdiklərinə də diqqət çəkdi.
TƏBİB-in İdarə Heyətinin sədri ən təhlükəli halların evdə özünü müalicə etməyə çalışan insanlarda meydana gəldiyini bildirdi və vətəndaşları qəti olaraq bu yanaşmadan çəkinməyə çağırdı.
TƏBİB sədri onu da qeyd etdi ki, Nazirlər Kabineti yanında Operativ Qərargah istənilən qərarı verməzdən öncə bütün təkliflər geniş şəkildə müzakirə olunur. Qərarlar isə həmişə insanlara minimal mənfi təsir edəcək şəkildə qəbul edilir. Həftəsonları sərt karantin qaydalarının tətbiqinin nə vaxt ləğv ediləcəyi isə vətəndaşların sanitar gigiyena təlimatlarına düzgün əməl etmələrindən asılı olacaq.
Femida.az
Oxunub: 682
Oxşar xəbərlər
- Sərt karantində rayonlardan Bakıya gəlmək bu cür mümkün olacaq - QAYDA AÇIQLANDI
- Sərt karantinin tətbiq olunduğu 13 şəhər və rayon üzrə 190 manat ödəmə 278 min şəxsi əhatə edəcək
- Sərt karantin rejimi tətbiq olunan bölgələrdə buraxılış və qəbul imtahanları keçirilə bilər
- Sərt karantin rejimi uzadılacaq? - RƏSMİ
- Sərt karantin rejimi iyulun 20-dək uzadıldı - RƏSMİ
- Sərt karantin rejimində “ASAN xidmət” və “ASAN Kommunal” mərkəzləri işləyəcək
- Sərt karantin rejimi ilə bağlı qərarlar qəbul ediləcək
- Sərt karantin zamanı yalnız bu şəxslər işləyə bilər - SİYAHI
- Sərt karantin rejimi Lənkəranın kəndlərinə aid deyil - RƏSMİ
- Sərt karantin günlərində apteklər yeni qayda ilə işləyəcək - RƏSMİ