Göyçayda avtomobil piyadanı vuraraq öldürdü


15:53     07 İyun 2020 piyada_olumu_233.jpg

Göyçay rayonunda ölümlə nəticələnən yol-nəqliyyat hadisəsi baş verib.

Hadisə gecə saatlarında Bakı-Şamaxı-Yevlax yolunun Göyçay şəhəri ərazisindən keçən hissəsində, Göyçay çayı üzərindəki körpünün yanında qeydə alınıb.

Sürücü İbrahim Bəşirovun idarə etdiyi "Ford Tranzit" markalı yük avtomobili ilə hərəkətdə olarkən yolu keçən piyada, rayon sakini, 1971-ci il təvəllüdlü Yusifov Vüqar Rəşid oğlunu vurub. V.Yusifov aldığı xəsarətlərdən hadisə yerində dünyasını dəyişib.

Faktla bağlı Baş Dövlət Yol Polisi İdarəsinin İstintaq və təhqiqat şöbəsi tərəfindən araşdırma aparılır.

Femida.az

Açar sözlər:

Oxunub: 810