Mühafizəçi sərxoş vəziyyətdə qəza törətdi, dayısı öldü
10:03 10 İyun 2020
İsmayıllı rayonunda ölümlə nəticələnən yol qəzası baş verib.
Femida.az xəbər verir ki, hadisə rayonun Kürdmaşı kəndi ərazisində qeydə alınıb.
Belə ki, kənd sakini, “Aznar” MMC-də mühafizəçi işləyən, 1989-cu il təvəllüdlü İlqar Bağırlı sərxoş vəziyyətdə idarə etdiyi “Fiat” markalı avtomobili daş hasara çırpıb. Nəticədə avtomobildə olan dayısı, 1963-cü il təvəllüdlü Mahir Osmanov hadisə yerində ölüb.
Faktla bağlı İsmayıllı rayon Polis İdarəsində Cinayət Məcəlləsinin 263-1.3-cü (sərxoş vəziyyətdə yol istismar qaydasını pozma, zərərçəkənin ölümünə səbəb olma) maddəsi ilə cinayət işi başlanıb.
Femida.az
Oxunub: 724
