Aİ və Azərbaycan arasında yeni sazişin imzalanmasının gecikmə səbəbi açıqlanıb
20:33 11 İyun 2020
“Avropa İttifaqı (Aİ) ilə Azərbaycan arasında yeni sazişin imzalanmasının gecikməsinin səbəbi aviasiya sektoru və aviasiya sənayesinin dövlət mülkiyyətində olması ilə bağlıdır”.
Bunu Aİ-nin Qonşuluq və Genişlənmə üzrə Komissarı Oliver Varheyli bu gün Aİ “Şərq Tərəfdaşlığı” ölkələrinin Xarici İşlər nazirlərinin videokonfransından sonra keçirilən mətbuat konfransında APA-nın sualına cavab olaraq deyib.
O bildirib ki, COVID-19 pandemiyası ilə əlaqədar Aİ və Azərbaycan arasında yeni sazişin imzalanması istiqamətində aparılan işlər müvəqqəti dayandırılıb: “Təəssüf ki, böhran bu sahədə işləri dayandırdı, lakin əlbəttə biz tezliklə bu məsələ ilə bağlı fəaliyyətimizə davam edəcəyik”.
O. Varheyli qeyd edib ki, “Şərq Tərəfdaşlığı” proqramına üzv digər ölkələrlə də viza sadələşdirilməsi ilə bağlı Aİ-nin şərtləri aydındır və əgər ölkələrdən biri bununla bağlı müraciət edərsə, ittifaq bununla məşğul olacaq: “Viza sadələşdirilməsinə və ya digər ölkələrlə də sərhədlərin açılmasına gəlincə isə düşünürəm ki, bizim şərtlərimiz aydındır. Əgər bizə bu cür təkliflə müraciət edilsə, əlbəttə biz bununla məşğul olacağıq”.
Oxunub: 972
Oxşar xəbərlər
- Aİ Rusiya qızılının ixracına qadağa qoyub
- Aİ Şurası Rusiyaya qarşı yeddinci sanksiyalar paketini təsdiqləyib
- Aİ ukraynalı qaçqınlara dəstək üçün 433 milyon avro ayıracaq
- AİB Ukraynaya əlavə 700 milyon dollar ayıracaq
- Aİ ölkələri Ukraynaya 9 milyard avro məbləğində yardım göstərəcək
- Aİ-92 markalı benzinlə bağlı VACİB XƏBƏR: İyun ayının 1-dən...
- Aİ səfirləri Rusiyaya qarşı altıncı sanksiyalar paketini təsdiqləyib
- Aİ Rusiya neftinə qismən qadağa qoyulması ilə bağlı razılığa gəlib
- Ailə başçısını itirməyə görə əmək pensiyasının təyinatında nəzərə alınacaq müddət artırılır
- Aİ gələn həftə Ukraynaya növbəti hərbi yardımı təsdiqləyəcək