Bakıda həyətlərə əlavə zibil konteynerləri qoyulub
14:41 13 İyun 2020
Nazirlər Kabineti yanında Operativ Qərargah tərəfindən 14 iyun tarixindən 2 gün ərzində Bakı şəhəri də daxil olmaqla 3 şəhər və 5 rayonun ərazisində sərtləşdirilmiş karantin rejiminin tətbiqi ilə əlaqədar Bakı Şəhər İcra Hakimiyyətinin (BŞİH) strukturları, şəhərin kommunal xidmətləri tərəfindən əlavə tədbirlər həyata keçirilir.
Bu barədə Femida.az-a BŞİH-in Mətbuat Xidmətindən məlumat verilib.
Paytaxtda koronavirus pandemiyası ilə mübarizə tədbirlərinin mühüm bir hissəsini yaşayış binaları, giriş blokları, ümumi istifadə yerləri, idman meydançaları, lift kabinaları və digər yerlərin təmizliyinin təmini, həmin yerlərin mütəmadi olaraq dezinfeksiyası təşkil edir. Eyni zamanda məişət tullantılarının vaxtında daşınması da mühüm əhəmiyyət kəsb edir.
Keçən həftə sərt karantin günlərində vətəndaşların üzləşdiiyi müəyyən çətinliklərlə bağlı onların müraciətləri nəzərə alınaraq kommumal xidmətlər tərəfindən paytaxtın bütün rayonlarında məişət tullantılarının atılması üçün konteyner meydançası olmayan çoxmərtəbəli yaşayış binalarının həyətlərinə, blokların çıxışına yaxın yerlərdə məişət tullantılarının atılması üçün tullantı konteynerləri qoyulur. Bu da 2 günlük sərt karantin günlərində sakinlərin problemlərinin həllinə kömək olacaqdır.
Bildirilmişdir ki, dünəndən etibarən bu prossesə başlanılıb. İki gün ərzində meydançalardakı mövcud konteynerlərdən əlavə daha 1000-dən çox belə konteyner qoyulacaq və bu müvəqqəti haldır. Sonradan konteynerlər yığışdırılaraq meydançalara qaytarılacaq.
Həmin günlərdə kommunal xidmətlər gücləndirilmiş iş rejimində çalışacaq, bu konteynerlərin ətrafı da dezinfeksiya ediləcəkdir.
Femida.az
Oxunub: 2158
Oxşar xəbərlər
- Sumqayıtda zibillərin daşınmamasına şirkət direktoru cərimələnib
- DİN Bərdədə zibillikdə tapılan qadınla bağlı açıqlama yayıb
- Qazaxda təmizlik idarəsinin işçisi zibil yığan maşının altına düşərək ölüb
- Bakıda zibillikdən avtomat silahı tapılıb
- Gəncədə tanışını öldürüb zibilliyə atan şəxsə hökm oxunub
- “Beyninizi zir-zibillə doldurursunuz” – “Telegram”ın qurucusu
- Vaqif Əsədov: “Avtomobildən çölə zibil atmaq inzibati xətadır”
- Bakıda qadını qətlə yetirərək zibil qutusuna atan şəxs öz qayınatası imiş
- Bakıda dəhşətli hadisə: gənc qadını doğrayıb zibil qutusuna atdılar
- Zibil atmaq üçün icazə alınmalıdır? - RƏSMİ AÇIQLAMA