Azərbaycanda ödəniş kartlarının istifadə müddəti bir qədər də uzadılıb
16:52 18 İyun 2020
Azərbaycanda koronavirus (COVID-19) pandemiyasına qarşı mübarizə çərçivəsində insanların kütləvi toplanış və təmas yerlərinin, eləcə də bununla əlaqədar olan işlərin, proseslərin minimallaşdırılması tədbirləri həyata keçirilir və bu tədbirlərin təmin edilməsi məqsədilə Azərbaycan Mərkəzi Bankı da daimi əsasda müvafiq addımlar atır.
Femida.az xəbər verir ki, bu barədə AMB-nin açıqlamasında bildirilir.
Məlumatda həmçinin deyilir ki, bankların filial və şöbələrində, eləcə də bankomatların qarşısında vətəndaş sıxlığının idarə olunması məqsədilə əmək pensiyalarının, sosial müavinət, təqaüd və kompensasiya ödənişlərinin, eləcə də ünvanlı dövlət sosial yardımları üzrə istifadə müddəti başa çatan aktiv müştərilərin ödəniş kartlarının istifadə müddətinin 30 sentyabr 2020-ci il tarixinə qədər artırılması üçün AMB müvəkkil banklara müraciət edib. Həmin müraciət təmin olunaraq müvafiq ödəniş kartlarının istifadə müddəti avtomatik olaraq uzadılıb.
Eyni zamanda, AMB banklara müştərilərin istəyi ilə yeni emissiya edilmiş ödəniş kartlarının bankların texniki imkanları və təhlükəsizlik tələbləri nəzərə alınmaqla kuryer vasitəsilə ünvana çatdırılması xidmətlərinin göstərilməsini də tövsiyə edib.
Qeyd edək ki, pandemiya ilə əlaqədar olaraq bu ilin mart ayında da AMB müvəkkil banklara adıçəkilən ödəniş kartlarının istifadə müddətinin artırılması ilə bağlı müraciət ünvanlayıb və həyata keçirilən tədbirlər sayəsində bank-müştəri təmasları mümkün qədər azaldılıb.
Hüquqi və fiziki şəxslər AMB-nin səlahiyyətlərinə aid məsələlər barədə qurumun "966” qaynar xəttinə zəng edə bilərlər.
Femida.az
Oxunub: 681
Oxşar xəbərlər
- Salyanda vətəndaşların kartlarından pul oğurlayan şəxs saxlanılıb
- Bakıda evdən bank kartı oğurlanıb
- Kəmaləddin Heydərov: "İlkin ehtimala görə, "Azərsun Sənaye Parkı”nda yanğın karton tullantılardan başlayıb"
- Bakıda vətəndaşın cibindən bank kartını oğurlayan şəxs saxlanılıb
- İrandan gətirilən ərzaqlıq kartofda karantin tətbiq edilən zərərverici aşkar olunub
- Laçın sakinlərinin bank kartlarından pul çıxaran şəxslər saxlanılıb
- Bank kartlarından pul oğurlayan “Arsenics” saxlanılıb - VİDEO
- İrandan gətirilən 64 ton kartof geri qaytarılıb
- Kolumbiyanın ən böyük narkokartel başçısı saxlanılıb
- Azərbaycana gətirilən kartofa yeni tələblər müəyyən edilib