İranda bir gündə 119 nəfər virusdan ölüb

14:26     22 İyun 2020

İranda koronavirusa yoluxanların sayı yenə artıb.

Femida.az IRNA-ya istinadən xəbər verir ki, bunu ölkənin Səhiyyə Nazirliyi açıqlayıb.

İranda daha 2 573 nəfərdə koronavirusun aşkarlandığı bildirilib. Bununla da yoluxma faktlarının sayı 207 525-ə çatıb.

Məlumata görə, ölkədə koronavirusdan ölənlərin sayı daha 119 nəfər artaraq 9 742 nəfərə yüksəlib.

Bundan başqa, indiyədək 166 427 nəfər sağalaraq xəstəxanadan evə buraxılıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 9 milyonu ötüb. Bunların 4,8 milyondan çoxu sağalıb, 471 mindən çoxu isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Femida.az

Açar sözlər:

Oxunub: 565