Çində koronavirusa yeni yoluxmalar qeydə alınıb


09:42     28 İyun 2020 2020/01/koronovirus2_1580468432.jpg

Çində ötən sutka ərzində 17 nəfərdə yeni növ koronavirusun aktiv forması və yeddi simptomsuz yoluxma halı aşkarlanıb.

Femida.az xəbər verir ki, bu barədə ölkənin Gigiyena və Səhiyyə Məsələləri üzrə Dövlət Komitəsi bildirib.

Ötən sutka ərzində koronavirusdan ölən olmayıb. Yoluxanlardan 3 nəfəri xaricdən gəlib, qalanlar isə Pekində yoluxub.

Hazırda 25 simptomsuz koronavirus daşıyıcısı həkimlərin nəzarəti altında saxlanılır.

Bununla da ölkədə yoluxanların ümumi sayı 83 500 nəfərə çatıb. Yoluxanlardan 78 451 nəfəri sağalaraq evə buraxılıb, 4 634 nəfəri isə ölüb.

Qeyd edək ki, iyunun 11-də 56 günlük aradan sonra "Sinfadi" bazarı ilə əlaqəli ilk yoluxma halı aşkarlanıb. Hökumət virusun yayılmasının qarşısını almaq üçün paytaxtda karantin tədbirlərini sərtləşdirib. Pekində indiyədək 480 məntəqə üzrə təxminən 3 milyona yaxın adam testdən keçirilib.

Femida.az

Açar sözlər:

Oxunub: 412