“Gəncə hadisələri”nə görə daha bir məhkəmə başlayır
12:06 06 İyul 2020
Gəncə Şəhər İcra Hakimiyyətinin başçısı və polis əməkdaşına qarşı əvvəlcədən planlaşdırılmış terror aktı törətməkdə təqsirləndirilən Müşfiq Qurbanov və Yusif Sadıxovun cinayət işi üzrə ibtidai istintaq başa çatıb.
Femida.az xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib.
Hakim Məhəmməd Bağırovun icraatına verilən iş üzrə hazırlıq iclasının vaxtı açıqlanmayıb.
Qeyd edək ki, M.Qurbanov axtarışa verilib və Moskvada saxlanılaraq Azərbaycana gətirilib.
Cinayət işi üzrə Elmar Vəliyev və polis əməkdaşı Qasım Aşbazov tanınıb.
Qeyd edək ki, rəsmi məlumata əsasən, 2018-ci il iyul ayının 3-də Gəncə Şəhər İcra Hakimiyyətinin başçısı Elmar Vəliyevə və polis əməkdaşı Qasım Aşbazova qarşı məqsədyönlü şəkildə əvvəlcədən planlaşdırılmış terror aktı, iyulun 10-da isə Gəncə şəhərində kütləvi iğtişaş törətməklə həmin terror aktını dəstəkləyən radikal dini yönümlü bir qrup şəxsin xidməti vəzifələrini yerinə yetirən iki polis əməkdaşına zor tətbiq etməklə qətlə yetirməsi və sair faktlar üzrə cinayət işi başlanılaraq istintaq aparılıb.
80 nəfərə qədər şəxs cinayət məsuliyyətinə cəlb olunub.
Bir neçə qrup üzrə məhkəmə hökmləri elan edilib.
Femida.az
Oxunub: 716
Oxşar xəbərlər
- “Gəncədəki son hadisələr məni sarsıtdı” - Britaniya səfiri
- “Gəncə hadisələri”nə görə tutulan 4 nəfər azadlıqda
- “Gəncə məhbusu”nun ölümü ilə bağlı rəsmi açıqlama: "İntensiv müalicə kursu keçib"
- “Gəncədə neçə polkovnik var ki?” - Balakişiyevin xanımı
- “Gəncəbank”ın vəzifəli şəxsləri məsuliyyətə cəlb edilib - Korrupsiya