Qubaya icazəsiz istirahətə gələn sürücülər cərimələndi
15:49 07 İyul 2020
Qubaya icazəsiz istirahətə gələn sürücülər məsuliyyətə cəlb olunublar.
DİN-in Mətbuat Xidmətinin Quba regional qrupundan Femida.az-a verilən məlumata görə, Quba Rayon Polis Şöbəsinin Dövlət Yol Polisi bölməsinin əməkdaşları tərəfindən rayon ərazisinə istirahət məqsədi ilə gələn sürücülərə qarşı reyd keçirilib.
Polis inspektorları tərəfindən sürücülər saxlanılaraq sənədləri planşetlərlə yoxlanılıb. Onlar arasında çalışdıqları dövlət idarələri və müəssisələri tərəfindən verilmiş xüsusi icazələrdən sui-istifadə edənlər, həmçinin heç bir icazəsi olmayanlara da rast gəlinib.
Reyd zamanı sərtləşdirilmiş karantin rejimi elan olunan Bakı şəhəri, eləcə də digər rayonlardan qaydaları pozaraq şəxsi nəqliyyat vasitələri ilə istirahətə gələn sürücülər barəsində İnzibati Xətalar Məcəlləsinin müvafiq maddəsi ilə protokol tərtib edilib.
Bu istiqamətdə tədbirlər Quba RPŞ-nin DYP bölməsinin əməkdaşları tərəfindən qarşıdakı günlərdə də davam etdiriləcək.
Femida.az
Oxunub: 777
Oxşar xəbərlər
- Qubaya gizli yollarla gələn dindarlar saxlanılıb - FOTO
- Qubaya istirahət etməyə gedən şəxslər cərimələndi
- Qubaya qar yağıb
- Qubaya 6 sm qar yağdı - Temperatur mənfi 8 dərəcəyədək enib (VİDEO)
- Qubaya qar yağdı - Xınalıq yolunda hərəkət çətinləşib
- Qubaya yağan qar alpinistlərin axtarışını çətinləşdirdi