Mehdi Hüseynzadə yeni vəzifəyə təyin olundu


18:21     10 İyul 2020 2020/07/107536537_277422236919409_3312562356885163977_n_1594390990.jpg

Azərbaycan Respublikası Hərbi Prokurorluğunun Ağır Cinayətlərə dair İşlər üzrə İstintaq İdarəsinin rəisi, ədliyyə polkovniki Mehdi Hüseynzadə Azərbaycan Respublikası Hərbi Prokurorluğunun Hərbi Prokurorluqlarda İstintaqa Nəzarət Şöbəsinin rəisi vəzifəsinə təyin edilib.


Femida.az xəbər verir ki, bununla bağlı Baş prokuror Kamran Əliyev müvafiq əmr imzalayıb.

Mehdi Hüseynzadə 1993-1997-ci illərdə Bakı Dövlət Universitetinin hüquq fakültəsini bakalavr, 1997-1999-cu illərdə isə magistr dərəcələrində fərqlənmə diplomları ilə bitirib.

1999-cu ildə Bakı Dövlət Universitetinin təqdimatına əsasən, prokurorluq orqanlarına xidmətə qəbul edilib. 1999-2010-cu illərdə prokurorluq orqanlarında müxtəlif vəzifələrdə, Tərtər hərbi prokurorluğunun böyük müstəntiqi, Sumqayıt hərbi prokurorluğunun müstəntiqi və prokurorun böyük köməkçisi, Azərbaycan Respublikası Hərbi Prokurorluğunun Ağır Cinayətlərə dair işlər üzrə İstintaq İdarəsinin mühüm işlər üzrə müstəntiqi və böyük müstəntiqi vəzifələrində xidmət edib. 2010-2013-cü illərdə Tərtər hərbi prokuroru olub, 2013-cü ildən indiyədək isə Azərbaycan Respublikası Hərbi Prokurorluğunun Ağır Cinayətlərə dair işlər üzrə İstintaq İdarəsinin rəisi vəzifəsində işləyib.


Femida.az

Açar sözlər:

Oxunub: 1292