Ombudsman həlak olan mülki şəxsin evinə getdi
17:05 14 İyul 2020
İnsan Hüquqları üzrə Müvəkkil (Ombudsman) Səbinə Əliyeva Ermənistan Silahlı Qüvvələrinin artilleriya atəşinə tutduğu Tovuz rayonunun Ağdam kəndində olub.
Ombudsman Aparatının mətbuat xidmətindən Femida.az-a verilən məlumata görə, Ombudsman artilleriya atəşi nəticəsində həlak olan mülki şəxs, Ağdam kənd sakini, 76 yaşlı Əzizov Əziz İzzət oğlunun evinə baş çəkib. S. Əliyeva bildirib ki, Ermənistan Azərbaycana qarşı növbəti təcavüz aktı törədib.
Baş verənlərlə bağlı monitorinq aparmaq üçün Tovuza gəldiklərini deyən Ombudsman mülki əhaliyə qarşı təcavüz törədildiyini vurğulayıb. O, toplanmış fakt və materiallar əsasında geniş hesabatı hazırlayaraq, beynəlxalq təşkilatlara göndərəcəklərini bildirib. Ombudsman Ermənistan Silahlı Qüvvələrinin təcavüz aktı nəticəsində Ağdam kəndinin sakini Əziz Əzizovun qətlə yetirildiyini diqqətə çatdırıb.
S. Əliyevanın sözlərinə görə, əlil olan, ahıl yaşlı Əziz Əzizov axşam yeməyinə hazırlaşarkən Ermənistan Silahlı Qüvvələrinin artilleriya atəşi ilə qətlə yetirilib: “Ahıl yaşlı Əziz Əzizov yeməyə hazırlaşarkən bu faciə baş verib. Çörək masanın üstündə qalıb”.
Femida.az
Oxunub: 1730
Oxşar xəbərlər
- Ombudsman 31 Mart - Azərbaycanlıların Soyqırımı Günü ilə bağlı bəyanat yayıb
- Ombudsman Rusiyada erməninin azərbaycanlı həkimə xəsarət yetirməsini pisləyib
- Ombudsman erməni terrorçunun Azərbaycan hərbçilərinə qumbara atmasını pisləyib
- Ombudsman İmişlidə 11 yaşlı qızın zorlanmasına münasibət bildirib
- Ombudsman Bolqarıstan rəsmisini Ermənistan cinayətləri ilə bağlı məlumatlandırıb
- Ombudsman Ermənistanın cinayətləri ilə bağlı dünya birliyinə müraciət edib
- Ombudsman Gəncə terrorunun ildönümü ilə bağlı bəyanat yayıb
- Ombudsmanlar azad edilmiş ərazilərlə bağlı bəyanat qəbul edib
- Ombudsmanlar Şuşada səfərdədilər
- Ombudsman Aparatına yeni mətbuat katibi təyin olunub