Kanadada Ermənistanın işğalçılıq siyasətinə etiraz edildi
16:08 25 İyul 2020
Kanadanın paytaxtı Ottava şəhərində ölkəmizin Tovuz istiqamətindəki dövlət sərhəddində Ermənistanın hərbi təxribatlar törətməsinə etiraz və Azərbaycan ordusuna dəstək məqsədilə avtomobil yürüşü keçirilib.
Femida.az xəbər verir ki, Ottavada fəaliyyət göstərən azərbaycanlı icmasının təşkilatçılığı ilə gerçəkləşdirilən etiraz yürüşünün məqsədi Ermənistanın təcavüzkar siyasəti nəticəsində baş verənləri yerli ictimaiyyətin nəzərinə çatdırmaq olub.
Azərbaycanın üçrəngli bayraqlarının və müxtəlif şüarların yazıldığı posterlərin bərkidildiyi avtomobillər Ottavanın küçələri və prospektləri ilə hərəkət edərək, Kanadanın parlament, senat, Xarici İşlər Nazirliyi, xarici ölkələrin səfirliklərinin, o cümlədən Ermənistan səfirliyinin binalarının, ölkənin Baş nazirinin iqamətgahının önündən keçib.
Aksiyanın sonunda soydaşlarımız əllərində Azərbaycanın və Kanadanın dövlət bayraqlarını tutaraq "Qarabağ Azərbaycandır!", "Ermənistanın təcavüzkar siyasətinə son!", "Kanada indi hərəkətə keçməlidir!" və digər şüarlar səsləndiriblər.
Aksiya iştirakçıları Kanada hökumətindən, dünya birliyindən və beynəlxalq təşkilatlardan Azərbaycanın ədalətli mövqeyini müdafiə etməyi, Ermənistanın işğalçı siyasətinə son qoyulması, torpaqlarımızın işğaldan azad olunması və ölkəmizin ərazi bütövlüyünün təmin olunması naminə qətiyyətli addımların atılmasını tələb ediblər.
Femida.az
Oxunub: 1268
Oxşar xəbərlər
- Kanadada onlarla insan meymunçiçəyinə yoluxub
- Kanadada "Omikron"a iki yoluxma aşkar edilib
- Kanadada helikopter qəzaya uğrayıb, 3 nəfər ölüb
- Kanadada yaşayan azərbaycanlılar 101 şəhid ailəsini himayəyə götürüb
- Kanadada Gəncədəki terror aktları ilə bağlı yürüş keçirilib
- Kanadada şəhər mərkəzində Azərbaycan bayrağı ucaldılıb
- Kanadada yaşayan soydaşlarımızla videokonfrans keçirilib
- Kanadada koronavirusdan ölənlərin sayı 400-ü ötdü
- Kanadada 43-cü parlament seçkiləri keçiriləcək
- Kanadada atışma, ölən və yaralananlar var