Azərbaycanda 90 yaşlı kişi koronavirusdan sağaldı


13:58     26 İyul 2020 20_07_26_1595758225.jpg

Sumqayıtda 90 yaşlı Əfqan Əsgərov koronavirusdan sağalaraq evə buraxılıb. Ə.Əsgərov pandemiyadan əziyyət çəkən xəstələrin müalicə edildiyi 1 nömrəli şəhər xəstəxanasına çox ağır vəziyyətdə daxil olub.

Əfqan Əsgərov səhhəti ağırlaşdığından həkimə müraciət edib. Müayinə zaman onun COVID-19 virusuna yoluxduğu müəyyənləşib. On altı gün ərzində müalicə alan 90 yaşlı sakin artıq özünü yaxşı hiss edir.

Əfqan Əsgərovu müalicə edən, Rusiyadan dəvət olunan mütəxəssis Alim Hüseynov xəstənin qəbulu zamanı vəziyyətinin orta ağır olduğunu deyib. Müalicələrdən sonra isə onun tam sağaldığı bildirilib.

Ölkəmizdə COVID-19 virusuna qarşı həyata keçirilən ciddi tədbirlərin nəticəsi Sumqayıtda da statistikaya müsbət təsir göstərib. Sağalanların sayı yoluxanların sayını üstələyib.

Məlumata görə, hazırda şəhərdə koronavirusa yoluxanların sayı əvvəlki nəticələrə nisbətdə 2-3 dəfə azalıb. Dərman təminatı ilə bağlı isə xəstəxanalarda heç bir problem mövcud deyil. Son iki ay ərzində xəstəxanalara 1477 pasiyent müraciət edib ki, onlardan 1077 nəfər artıq sağalaraq evə buraxılıb. (AzərTAc)

Femida.az

Açar sözlər:

Oxunub: 698