Netanyahu yenidən məhkəmə qarşısına çıxarılacaq

18:52     26 İyul 2020

İsraildə korrupsiya və rüşvətdə, eləcə də vəzifə səlahiyyətlərindən sui-istifadə etməkdə günahlandırılan baş nazir Binyamin Netanyahu ilə bağlı növbəti dinləmələr 6 dekabr tarixində baş tutacaq.

Femida.az xəbər verir ki, baş nazir prosesdə şəxsən iştirak etməlidir.

Netanyahunun işi üzrə məhkəmə çərçivəsində təqribən 300 ittiham şahidinin dinlənməsi planlaşdırılır.

Bundan əvvəl, 24 mayda Qüds Dairə Məhkəməsində Netanyahuya qarşı üç ittiham üzrə ilk iclas keçirilib.

Netanyahu iclasın başlanmasından əvvəl məhkəmə binasında bildirib ki, baş nazirə qarşı sui-istifadə və korrupsiya ilə bağlı ittihamlar sağların nümayəndələri tərəfindən onun ölkədə hakimiyyətdən kənarlaşdırılması məqsədilə quraşdırılıb.

Qeyd edək ki, İsrail Knesseti (birpalatalı parlament) baş nazir Binyamin Netanyahunun 2 mart seçkilərinin nəticəsinə görə formalaşdırılmış 35-ci koalisiya hökumətinin tərkibini təsdiq etmişdi. "Likud" və “Kaxol-Lavan” partiyalarının koalisyon razılaşmasına əsasən Netanyahu 2021-ci ilin noyabrının ortalarına qədər baş nazir vəzifəsini tutmalıdır, sonra bu vəzifəyə Qans keçəcək.

Açar sözlər:

Oxunub: 936