İran Türkiyəyə qaz ixracını azaltdı

14:47     09 Dekabr 2015

İran Türkiyəyə verilən təbii qazın həcmini azaldıb.

Femida.az-ın Türkiyə mətbuatına istinadən verdiyi xəbərə görə, İrandan Türkiyəyə gündəlik nəql olunan 28-30 milyon kubmetr təbii qaz 14-15 milyon kubmetrə endirilib.

İran buna səbəb kimi havaların kəskin soyuması ilə əlaqədar daxili tələbatın artmasını göstərib.

Türkiyə mətbuatı iddia edir ki, İranın bu addımı Türkiyə və Rusiya arasında yaranan təyyarə qalmalı ilə bağlıdır. İran bu məsələdə Rusiyanı dəstəkləyir. Xəbərdə bildirilir ki, hazırda Tehranda havalar normal keçir. Havanın temperaturu 6-10 dərəcə arasındadır.

Qeyd edək ki, Türkiyə İrandan ildə 6 milyard kubmetr civarında mavi yanacaq alır. Bu da Türkiyənin idxal etdiyi təbii qazın 18 faizidir. Daha əvvəllər də İran daxili tələbatı əsas gətirərək, Türkiyəyə verdiyi qazın həcmini azaltmışdı. Türkiyə bununla bağlı məhkəməyə müraciət etmişdi.

Açar sözlər:

Oxunub: 1194