Azərbaycana işləyən erməni mayor tutuldu

15:25     09 Dekabr 2015

Ermənistan Milli Təhlükəsizlik Nazirliyi (MTN) Armavir vilayətinin sakini, ehtiyatda olan 38 yaşlı mayor Qarik Xaçikoviç Marutunyanı həbs edib.

AzVision.az “Novosti-Armeniya”ya istinadən xəbər verir ki, o, uzun müddət Azərbaycan xüsusi xidmət orqanlarına işləməkdə ittiham olunur.

Ermənistan MTN-nin məlumatında qeyd olunur ki, ehtiyatda olan Qarik Xaçikoviç Marutunyan müxtəlif hərbi hissələrdə kəşfiyyat rəisi vəzifəsində olduğu zaman sosial şəbəkələr vasitəsilə Türkiyədə fəaliyyət göstərən Azərbaycan xüsusi xidmət orqanları ilə əlaqə yaradıb və pul qarşılığında dövlət sirləri də daxil olmaqla önəmli məlumatları qarşı tərəfə ötürürmüş.

Qaqik Marutunyana dövlətə xəyanətə maddəsi ilə cinayət işi açılıb.

Hazırda araşdırma davam edir.

Açar sözlər:

Oxunub: 6674