ÜST Rusiyanı COVID-19 peyvəndi ilə bağlı ehtiyatlı olmağa çağırıb


19:22     04 Avqust 2020 20_08_04_1596554157.jpg

Ümumdünya Səhiyyə Təşkilatı (ÜST) Rusiyanı COVID-19 peyvəndi ilə bağlı ehtiyatlı olmağa çağırıb.

Femida.az -ın BBC-yə istinadən verdiyi xəbərə görə, bu barədə ÜST-ün sözçüsü Kristian Lindmeyer bildirib.

ÜST rəsmisi deyib ki, Rusiya COVID-19 əleyhinə peyvənd istehsal edərkən beynəlxalq qaydalara əməl etməlidir.

"Bəzən tədqiqatçılar fərdi şəkildə nəsə tapdıqlarını iddia edirlər hansı ki bu özlüyündə böyük xəbərdir lakin peyvənd tapmaq və ya peyvəndin effektiv ola biləcəyinə dair hər hansı bir ip ucu tapmaq və bütün bu mərhələlərdən keçmək arasında böyük fərq var", - deyə ÜST sözçüsü qeyd edib.

Xatırladaq ki, ötən həftə Rusiya hökuməti payızda kütləvi peyvənd vurulmasına hazırlaşdığını bəyan edib.

Qeyd edək ki, Rusiya peyvəndi üç kliniki sınaq mərhələsinə keçmiş ÜST-ün təsdiqlədiyi altı peyvənd siyahısına daxil deyil.

Açar sözlər:

Oxunub: 879