“Baktelecom” fərdi yaşayış evlərini optik xətlərlə təmin edir
13:30 05 Avqust 2020
Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən “Bakı Telefon Rabitəsi” MMC (Baktelecom) “Evədək optika” layihəsinin əhatə dairəsinə fərdi yaşayış evlərini də daxil edib.
Bu barədə Femida.az-a Nazirlikdən məlumat verilib.
Məlumata görə, artıq həyət evlərinin sahibləri də fiber-optik xətlərin verdiyi üstünlüklərdən yararlana biləcəklər.
Yeni telekommunikasiya infrastrukturu Biləcəri qəsəbəsində yerləşən Xudadat bəy Məlikaslanov küçəsində yaradılıb. Sakinlər optik xətlər üzərindən keyfiyyətli multimedia xidmətləri, eləcə də bu xidmətləri dəstəkləyən pulsuz modemlərlə təmin ediliblər.
Daha çox sakinə xidmət göstərilməsi məqsədilə yaxın zamanda qəsəbənin bütün ərazisinin fiber-optik xətlərlə təchiz olunması nəzərdə tutulur.
Eyni zamanda “Evədək optika” layihəsinin Bakıətrafı ərazilərdə də həyata keçirilməsi planlaşdırılır. Bu məqsədlə “Baktelecom” tərəfindən bir çox fərdi yaşayış evlərinin yerləşdiyi massivlərdə optik infrastruktur qurulur.
Qeyd edək ki, layihə GPON (Gigabyte Passive Optical Network - Qiqabit tutumlu Passiv Optik Şəbəkə) texnologiyası əsasında tətbiq edilir. Texnologiya eyni vaxtda bir fiber-optik xətt üzərindən bir neçə rəqəmsal xidmətin abunəçinin evinə ötürülməsinə imkan yaradır.
Femida.az
Oxunub: 984
Oxşar xəbərlər
- Prezident yeni NRYTN nazirini videoformatda qəbul etdi
- Prezident bu şəxsi yeni nazir təyin etdi
- NRYTN: Kiberhücumların sayı artıb
- NRYTN: Sosial şəbəkələrdə saxta elanlar yerləşdirilir
- Düşmənin telekommunikasiya infrastrukturuna vurduğu ziyan aradan qaldırılır
- Nazirlikdən əhaliyə müraciət: "Tanımadığınız zəng və mesajlara cavab verməyin"
- Azərbaycan Asiya-Sakit okean İnformasiya Super Magistralı iclasına qatılıb
- Nazirlik regionlarda telekommunikasiya imkanlarını genişləndirir
- “Baktelecom” 2 milyona yaxın sorğu qəbul edib
- Nazirin qəbul vaxtı dəyişdirildi