Evlərini tərk edən 10 koronavirus xəstəsi barəsində cinayət işi açılıb
14:50 05 Avqust 2020
Daxili işlər orqanlarının əməkdaşları tərəfindən ölkə ərazisində tətbiq olunmuş xüsusi karantin rejimi dövründə COVID-19 virusunun yayılması hallarının qarşısının alınması istiqamətində bir sıra tədbirlər həyata keçirilmiş, vətəndaşlar tərəfindən epidemiya əleyhinə rejimin, sanitariya-gigiyena qaydalarının pozulması hallarına yol verilməməsi ciddi nəzarətdə saxlanılıb.
DİN-in Mətbuat Xidmətindən Femida.az-a verilən məlumata görə, TƏBİB-dən daxil olmuş məlumatlara dərhal reaksiya verilməklə zəruri tədbirlər görülüb, COVID-19 virusuna yoluxmuş və ev şəraitində müalicə olunan şəxslərin müəyyən edilmiş qaydalara riayət etmələri, öz hərəkətləri ilə digər şəxslərin yoluxmasına təhlükə yaratmamaları diqqət mərkəzində saxlanılıb.
Təkcə cari ilin iyul ayı ərzində paytaxtın Binəqədi, Səbail, Sabunçu, Xətai, həmçinin Sumqayıt, Mingəçevir, Cəlilabad, Yevlax, Göyçay şəhər və rayon polis orqanları tərəfindən görülmüş tədbirlər nəticəsində koronavirus infeksiyasına yoluxmuş və ev şəraitində müalicə olunan 10 nəfərin mənzillərini tərk edərək küçəyə çıxmaları və digər şəxslərin sağlamlığını təhlükə qarşısında qoymaları müəyyən olunub.
Görülmüş tədbirlərlə həmin şəxslər dərhal təcrid edilmiş və xüsusi karantin rejimi qaydalarını pozmaqla virusun yayılmasına real təhlükə yaratdıqlarına görə barələrində Cinayət Məcəlləsinin 139-1.1-ci maddəsi ilə cinayət işi başlanılıb.
Bu istiqamətdə tədbirlər davam etdirilir.
Femida.az
Oxunub: 860
Oxşar xəbərlər
- Arterial hipertoniya qeyri-infeksion xəstəliklər sırasında liderdir
- Bakıda intim münasibət zamanı bədbəxt hadisə - Qadın xəstəxanaya düşdü
- Salyanda yol qəzasında xəsarət alan şəxslər xəstənada ölüb
- Bərdə xəstəxanasında ana doğuşdan sonra ölüb
- Azərbaycanda onkoloji və skleroz xəstələri pensiya ala biləcək - QANUN
- Ağır qəzaya düşən müəllim xəstəxanada ÖLDÜ - FOTO
- Müdafiə Nazirliyinin iki hərbi qulluqçusu xəstəlikdən vəfat edib
- Narkotikə görə saxlanılan vərəm xəstəsi vəfat edib
- ÜST meymunçiçəyi xəstəliyinin yayılma riskini qiymətləndirib
- Bəzi xəstəliklər üzrə əlillik dərəcəsi yeni qaydada təyin olunacaq